Ribadeo, 4 de xuño de 2025. Acisa Ribadeo suma nove novos asociados neste 2025 e lanza unha nova campaña de captación, tras o recente premio outorgado pola Xunta de Galicia como comercio excepcional.
Desde Acisa a súa presidenta, Carmen Cruzado, dixo: “gustaríame en nome da xunta directiva e da xerencia darlles a todos os novos negocios asociados publicamente a benvida á nosa asociación. Trátase de Susana Kempes Floristería Esotérica, O Tumbín Ponte Dos Santos, Aware Cakes, Galán, Los Dulces de Delphine, Mary Poppins, Jilgueritos, Mimimó e Endesa. E aproveito tamén para animar aos negocios de Ribadeo: comerciantes, hostaleiros, industriais, servizos e autónomos, hoteis, etc… a que se poñan en contacto con Acisa Ribadeo para que os visitemos ou para que se acheguen ás nosas instalacións e lles expliquemos cara a cara todas as vantaxes que supón formar parte deste colectivo. Aquí traballamos para dinamizar e potenciar a actividade económica de Ribadeo e para que iso repercuta no tecido empresarial. Non debemos esquecer que todo negocio é benvido, que todas as empresas, sexan do sector que sexan, teñen cabida na nosa entidade e que cantos mais sexamos mais poderemos facer por Ribadeo e pola nosa economía”.
O xerente, Jesús Pérez, insistiu en que “en Acisa atoparán todo tipo de asesoramento sobre subvencións, axudas, programas específicos ou cambios normativos. Os asociados e asociadas contan con materiais gratuítos para os seus negocios como poden ser bolsas para o comercio de tea e de papel e para a hostalería, tamén envases de comida para levar, vasos térmicos, mapas para hoteis, vasos de ocio nocturno, papel de regalo, material de rebaixas, cartelería oficial, etc… así como todo o referido ás múltiples e variadas campañas que organizamos ao longo de todo o ano. Ademais temos asinados hasta 12 convenios de colaboración beneficiosos para todos os nosos asociados, que tamén lles axudarán a aforrar custes, como poden ser en transportes, entidades bancarias, etc”.
Pérez Prada sinalou que “ao longo das vindeiras semanas ademais daremos a coñecer novidades importantes sobre actividades para este ano. Estamos a falar de sorteos, campañas de dinamización, materiais, actividades novidosas…. se hai un momento idóneo para darse de alta en Acisa é agora. Comezamos a tempada alta con novidades e teremos un verán cheo de propostas. Calquera empresa interesada en obter máis información pode dirixirse á nosa oficina de luns a venres de 9:00 a 14:30 ou chamando por teléfono ao 663 39 62 26 ou no correo electrónico info@acisaribadeo.es”.
O xerente de Acisa lembrou que “pechamos 2024 realizando preto de 50 actividades. E estando aínda a metade do 2025 xa sabemos que vamos superar estes datos ao peche do ano. Estamos dando o mellor de nos para que Acisa siga a ser un eixe de promoción económica fundamental en Ribadeo. Sen dubida creemos que o noso colectivo, a día de hoxe, ofrece unha gran variedade de servizos beneficiosos para os seus membros”.
A presidenta de Acisa animou “a todos os establecementos a darse de alta nestas datas para poder aproveitar toda a campaña do X Ribadeo Indiano e a deste verán de 2025, que será excepcional ao igual que o recoñecemento que acabamos de recibir por parte da Xunta de Galicia. Como queremos seguir medrando tamén na organización de actividades aproveitamos para facer unha chamada ás empresas de Ribadeo e da contorna que estean interesadas en participar como patrocinadores da nosa ampla programación anual. Somos unha entidade seria, solvente e profesionalizada, que busca novos inversores externos que nos axuden a cofinanciar as actividades que desenvolvemos ao longo do ano. Como contraprestación recibirán a correspondente promoción a través dunha das asociacións máis relevantes de Galicia”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
