A alcaldesa Mariña Gueimunde e o concelleiro Vicente Vázquez recolleron a distinción no acto que se celebrou en Ponteceso
Viveiro, 5 de xuño de 2025. Mariña Gueimunde, alcaldesa de Viveiro, e o concelleiro Vicente Vázquez recolleron onte a bandeira azul que lle foi concedida un ano máis á praia de Area pola ADEAC (Asociación de Educación Ambiental e do Consumidor). Esta distinción recoñece os altos estándares da praia de Area en materia de medio ambiente, servizos e accesibilidade para os visitantes. O acto, organizado pola Xunta de Galicia, celebrouse na praia de Balarés, no Concello de Ponteceso.
Mariña Gueimunde afirmou que «é un orgullo para o noso concello recibir un ano máis este recoñecemento que certifica a calidade e o coidado da nosa costa. A bandeira azul é froito do traballo conxunto de veciñanza, servizos municipais e entidades locais comprometidas coa sustentabilidade e a excelencia ambiental».
O Concello de Viveiro tamén está a facer xestións para a contratación de cinco socorristas para, previsiblemente, empezar a prestar o servizo de socorrismo na praia de Area a partir do 1 de xullo. As bases e a convocatoria do proceso selectivo publicaranse no BOP e un dos requisitos indispensables dos aspirantes é que estean desempregados.
Por outra parte, o Concello de Viveiro vén realizando desde o 1 de xuño tarefas de limpeza e apertura dos baños nas praias. O servizo manterase activo ata o 30 de setembro.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
