Lugo, 6 de xuño, 2025. O Deputado de Promoción Económica e Social da Deputación de Lugo, Pablo Rivera Capón, quere saír ao paso das manifestacións realizadas polo Partido Popular e aclarar a situación real do Centro de Atención a Maiores de Trabada, ante as falsidades vertidas polo grupo provincial do PP:
1. É rotundamente falso que a directora da residencia fose cesada. Presentou a súa renuncia de maneira voluntaria, tal e como consta por escrito. Por tanto, o Partido Popular minte deliberadamente ao afirmar que foi apartada pola Deputación.
2. Na súa carta de renuncia, a directora expón que a súa decisión responde á campaña pública de desprestixio da que foi obxecto, con acusacións infundadas que cuestionaban a súa profesionalidade. Esta realidade abre interrogantes sobre quen impulsou esa campaña e con que finalidade. Desde a Deputación de Lugo respectamos e entendemos a súa decisión persoal, adoptada nun contexto de forte presión externa. En calquera caso, queremos deixar claro que a dirección da residencia estivo e segue estando plenamente garantida, asegurando en todo momento o correcto funcionamento do centro e a atención ás persoas usuarias.
3. A tensión xerada en torno a esta situación non é allea á estratexia mediática do Partido Popular. Cabe preguntarse se non son tamén corresponsables do clima que levou a esta decisión. A utilización partidista dun asunto tan sensible como o coidado das persoas maiores non debería ter cabida na política institucional.
4. Resulta igualmente chamativo que o PP esixa explicacións constantes á Deputación, cando non exerce a mesma presión sobre a Xunta de Galicia, que é quen ostenta as competencias en materia de políticas sociais. Esta dobre vara de medir evidencia a natureza política e interesada desta campaña.
5. O señor Ameijide debería explicar o seu papel na difusión destas acusacións e valorar se é compatible cunha actuación institucional responsable. A súa implicación directa pon en dúbida a súa vontade de defender o interese xeral. Converterse nun mentireiro profesional non lle dá máis credibilidade nin está á altura do que a cidadanía espera dun representante público.
Rivera Capón reitera o compromiso da Deputación de Lugo coa transparencia, a responsabilidade e o benestar das persoas maiores, e lamenta profundamente que o PP pretenda usar esta situación como ferramenta de confrontación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
