Os senadores do PP lucense -José Manuel Barreiro, José Manuel Balseiro e Juan Serrano-, e os portavoces de Pesca do Grupo Popular no Senado e no Congreso, Manuel Ruiz e Rosa Quintana, respectivamente, amosan a súa preocupación pola flota lucense que “é a máis afectada de toda España”
A Mariña, 12 de xuño de 2025. O Partido Popular diríxese formalmente ao Goberno de Sánchez no Senado e no Congreso para coñecer a súa posición ante a desestimación dos recursos promovidos pola OPP-7 Porto de Burela en colaboración coa Xunta e o Reino de España contra as 87 vedas á pesca de fondo impostas no 2022 polo comisario europeo ecoloxista e que afecta a áreas de pesca de Portugal, España, Francia e Irlanda.
Os senadores do PP lucense -José Manuel Barreiro, José Manuel Balseiro e Juan Serrano-, e os portavoces de Pesca do Grupo Popular no Senado e no Congreso, Manuel Ruiz e Rosa Quintana, respectivamente, amosan a súa preocupación pola flota lucense que “é a máis afectada de toda España”.
Á vista de que “está en risco a viabilidade do sector”, os populares queren saber que valoración fai o propio Executivo de Sánchez desta situación e, máis concretamente, esíxenlle explicacións sobre as medidas que ten previsto adoptar sen esquecer as que xa debera ter adoptado desde o ano 2022.
Por unha banda, esíxenlle ao Goberno de España que explique se ten previsto interpoñer recurso de casación ante o Tribunal de Xustiza da UE contra este fallo e se solicitará a revisión do Regulamento europeo que establece condicións específicas aplicables á pesca de poboacións de augas profundas.
E, tendo en conta que “tanto a desestimación do Tribunal Xeral de Xustiza da UE coma o propio Regulamento se basean na posible presenza de especies vulnerables á pesca de fondo”, agardan que o Executivo de Sánchez aclare se ten recompilado información científica dende o 2022 para descartar ou afirmar a existencia destes ecosistemas mariños vulnerables e os efectos que o palangre de fondo poida causar nesas áreas.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
