Ditas incidencias teñen lugar nas estradas LU-540 e no CG- 2.3
A Mariña, 1 de xullo, 2025. A Garda Civil identificou a un turismo na estrada CG-2.3 (Xove-Celeiro), km. 3,200, termino municipal de Xove, circulando a unha velocidade de 179 km/h en sentido decrecente, estando limitada a velocidade máxima permitida nese lugar a 90 km/h, limitación xenérica no devandito tramo da vía.
Tras ter coñecemento do ilícito, o grupo de investigación e análise de tráfico da Comandancia de Lugo deu comezo a unha investigación, cuxo resultado permitiu conseguir probas obxectivas que posibilitaron a identificación do condutor do vehículo no momento da detección do citado exceso de velocidade.
A persoa investigada como suposto autor dun delito contra a seguridade viaria por condución a velocidade excesiva e as dilixencias policiais foron postas ao dispor do Xulgado de Instrución de Garda de Viveiro.
Así mesmo, na estrada LU-540 (Viveiro-Cabreiros), á altura do quilómetro 31,500, termino municipal de Muras, foi detectado outro vehículo circulando en sentido crecente a 179 km/h, cando a velocidade máxima permitida nese lugar é de 80 km/h, existindo limitación da velocidade xenérica da vía.
Nesta ocasión unha patrulla da Garda Civil puido identificar o condutor do turismo, facéndose cargo das dilixencias policiais a unidade de investigación de seguridade viaria de Burela (Lugo), imputando en calidade de investigado ao condutor e único ocupante do vehículo como suposto autor dun delito contra a seguridade viaria.
As dilixencias policiais foron remitidas ao Xulgado de Instrución de Garda nº 1 de Villalba.
Desde a Garda Civil, recoméndase precaución e respecto ás limitacións de velocidade establecidas, ao ser a velocidade excesiva ou inadecuada, un factor fundamental que determina a maior ou menor incidencia na sinistralidade viaria, así como a gravidade e o grao das lesións das vítimas en caso de sinistro viario, constituíndo a causa máis común e transversal na produción de accidentes mortais. Debendo por unha banda respectar os límites establecidos e por outro, adecuar a velocidade ás condicións que en cada momento presenten a vía, o vehículo ou o condutor.
Doutra banda, o vixente Código penal no seu artigo 379 establece que aquel que conducir un vehículo de motor ou un ciclomotor, a unha velocidade superior a sesenta quilómetros por hora en vía urbana ou en oitenta quilómetros por hora en vía interurbana, á permitida regulamentariamente, será castigado coa pena de prisión de ata 6 meses e, en calquera caso, coa privación do dereito para conducir vehículos de motor e ciclomotores por tempo superior a un e ata 4 anos
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
