O proxecto, que naceu tras as xornadas de literatura caboverdiana no IES Perdouro, incluirá contidos en diferentes idiomas, tradición oral, audiolibros e unha actividade interxeracional este verán
Burela, 3 de xullo de 2025. O Concello de Burela vén de presentar aos diferentes colectivos da vila o proxecto ‘Rincón Multicultural’, unha nova iniciativa impulsada desde a área de Inmigración que terá presenza física na Biblioteca Municipal e tamén en formato dixital a través da web do Concello.
O obxectivo desta proposta é crear un espazo de referencia onde se poida visibilizar e compartir o patrimonio cultural das distintas comunidades que conviven en Burela, tanto a través da literatura como da tradición oral, os idiomas ou outras expresións culturais.
Este proxecto naceu tras a participación do equipo de goberno nas xornadas sobre literatura caboverdiana organizadas polo IES Perdouro, nas que se adquiriu o compromiso de incorporar títulos caboverdianos á Biblioteca Municipal. Non obstante, dende o Concello aseguran que “non nos deberíamos quedar aí, senón que creemos que tiñamos que englobar todas as culturas e orixes posibles e dar cabida a tódolos colectivos”, explicou o concelleiro Mario Pillado.
Durante os meses previos, o Concello traballou na definición do proxecto en colaboración coas bibliotecas dos centros educativos locais, coas que se compartiron ideas como a de recoller a tradición oral das distintas comunidades e transformala en audiolibros ou podcasts. “Detectamos que se facía complicado atopar textos en idiomas coma o criolo ou o uolof, así que exploramos novas fórmulas para recoller ese saber oral e manter viva a memoria das culturas que conviven en Burela”, sinalou Pillado.
Na reunión celebrada onte no Concello, o equipo de goberno compartiu a proposta con representantes de diversas asociacións e nacionalidades presentes na vila, que, segundo o edil, “acolleron con entusiasmo a iniciativa e fixéronnos chegar propostas moi interesantes, como unha mostra de roupa tradicional ou un podcast multicultural”.
Como primeiro paso concreto, o Concello anunciou a organización dunha actividade interxeracional este verán na Casa da Xuventude, centrada na recompilación da tradición oral. “Pretendemos recoller contos, lendas, nanas e outras expresións culturais propias das comunidades presentes en Burela, poñéndoas por escrito desde todos os puntos de vista que temos na vila”, explicou o concelleiro.
Mario Pillado destacou tamén o valor de traballar man a man coa comunidade educativa e co tecido asociativo local: “Sobre todo é moi satisfactorio levar a cabo este proxecto da man da xente que constrúe comunidade cada día”. Ademais, fixo un chamamento á participación aberta: “Convidamos a calquera colectivo ou persoa interesada en colaborar. Se teñen contido multicultural, tradición oral ou algo relacionado que queiran compartir, será sempre ben recibido pola nosa parte”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
