Viveiro, 18 xullo de 2025. Este venres tivo lugar en Viveiro a clausura do curso de prevención de riscos laborais no sector forestal, centrado no manexo seguro da motoserra e a rozadoira, organizado pola Xunta de Galicia a través do ISSGA.
O curso desenvolveuse de mércores a venres e contou coa participación de traballadores e traballadoras da brigada de xardíns do Concello de Viveiro, dentro dunha acción formativa dirixida a mellorar a seguridade e o manexo de ferramentas de risco no ámbito forestal.
Á clausura asistiron, Pablo Fernández, o secretario xeral de Emprego e Relacións Laborais, Adela Quinzá-Torroja, xerente do ISSGA, Mariña Gueimunde, alcaldesa de Viveiro, Myriam Garabito Cociña, xefa do Centro do INSGA de Lugo, e Álvaro López Aenlle, xefe de Equipo de Seguridade de Saúde Laboral do INSGA de Lugo.
O Concello de Viveiro agradece a colaboración da Xunta de Galicia para facilitar esta formación específica e útil ao seu persoal, que repercute na calidade e seguridade dos servizos municipais prestados.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
