Foz, 22 de xullo, 2025. O pasado 17 de xullo tivo lugar a asemblea anual de socios do Club Baloncesto Celtas de Foz, onde se aceptou a dimisión da anterior xunta directiva, presidida por Carlos Moreda, accedendo á xestión unha nova, liderada por Carmen Alonso Pérez.
A nova etapa do CB Celtas comeza cunha dirección nova, marcada pola xuventude e profundamente vinculada ao baloncesto local. Carmen Alonso Pérez, de 27 anos, é a actual capitana do equipo sénior feminino e asume a presidencia converténdose na primeira muller en liderar o club dende a súa fundación no ano 1979.
Acompáñana Cristina Paz López, de 27 anos, tamén ex xogadora, como vicepresidenta, e Ángel Cao Rego, de 29 anos e xogador imprescindible do equipo sénior masculino como tesoureiro. Cao segue así o legado familiar no club, xa que seu pai foi presidente e adestrador do mesmo en diferentes etapas.
Completan a nova directiva Darío Romero e Emilio Fraga “Tobaneko”, que continúan dende a anterior xestión, e Carlos Méndez “Madar”, que asume o papel de coordinador da base, co obxectivo claro de reforzar a canteira e garantir o futuro do baloncesto en Foz.
A nova directiva do CB Celtas destaca o seu firme compromiso co establecemento dunha base que consolide un proxecto deportivo sostido no tempo. Tamén se manterá o apoio aos equipos sénior, incluíndo o único equipo sénior feminino da Mariña Lucense, o que fai do CB Celtas un referente do baloncesto feminino na comarca.
Con esta nova etapa, o CB Celtas de Foz comeza unha nova etapa con ilusión e enerxía para que o baloncesto siga medrando en Foz.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
