Esta colaboración únese a outras accións para promocionar liñas estratéxicas de turismo este 2025, sumando unha achega autonómica global de máis de 800.000€
Viveiro, 5 de agosto de 2025. O director de Turismo de Galicia, Xosé Merelles, vén de asinar esta mañá un novo convenio coa alcaldesa do concello de Viveiro, Mariña Gueimunde, para a promoción do turismo neste municipio co obxectivo de seguir apostando polo desenvolvemento económico local impulsando a súa oferta cultural, deportiva e de ocio.
En concreto, o convenio formalizado hoxe está centrado na promoción xeral do turismo e a posta en valor da marca Galicia a través do apoio á divulgación turística e cultural do concello de Viveiro. Para isto, “prevé organizar actuacións que permitan atraer visitantes e xerar turismo cultural”, segundo apuntou Xosé Merelles.
Este acordo súmase a distintas colaboracións asinadas recentemente que se están a executar tamén este 2025. Por unha banda, está o acordo para a promoción do turismo deportivo na localidade. Segundo apuntou o director de Turismo, “quere apoiar a organización de probas e eventos deste tipo, aproveitando a situación privilexiada e os recursos do concello para as actividades acuáticas, de aventura e de montaña”. Ademais, Turismo de Galicia colabora na organización da Semana Santa de Viveiro, distinguida como Festa de Interese Turístico Internacional desde 2013.
O director de Turismo de Galicia enmarcou todas estas actuacións no apoio do Goberno galego á promoción turística deste municipio que suman unha achega autonómica de máis de 800.000€ en distintas accións ao longo de todo o ano.
Case 76.000 turistas no primeiro semestre
Segundo apuntou o director de Turismo, con estas liñas de colaboración “queremos continuar na senda do crecemento turístico”. “No primeiro semestre deste ano, 75.869 viaxeiros visitaron a Mariña Lucense -un 4,5% máis que no mesmo período de 2024- que fixeron un total de 141.607 noites, o que mellora as cifras do pasado ano no 9,4%”, destacou.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
