Representantes de distintas comunidades recolleron e compartiron tradición oral para incorporar ao novo espazo da Biblioteca Municipal de Burela
Burela, 5 de agosto de 2025. A Casa da Xuventude de Burela acolleu o pasado venres unha actividade aberta e interxeracional para deseñar o Recuncho Multicultural, un novo espazo dentro da Biblioteca Municipal que servirá como lugar de memoria e encontro arredor da tradición oral das distintas culturas presentes no municipio.
Durante a mañá, representantes de colectivos, asociacións e persoas a título individual compartiron contos, relatos, cancións e mitos nas súas linguas de orixe, contribuíndo á creación dun fondo cultural que reflicta a diversidade da comunidade local.
A xornada comezou coa actuación de Hugo e Yanira, da asociación Arume, que tamén recolleron por escrito a súa achega, xunto con outro tema da cultura popular galega. Dende Ledicia e das Grileiras fixeron chegar igualmente contidos semellantes, aínda que non puideron asistir por estar implicadas na organización da Feira do Bonito.
A asociación ASPEBU (Perú) compartiu o mito de El Tumi de Oro e outras referencias culturais peruanas, a través de materiais achegados tamén por persoas particulares.
Dende Batuko Tabanka, María e Antonina presentaron as letras das súas cancións, acompañadas dunha actuación, e, coa colaboración de Denise de DJunta Mao, compartiron as historias do Lobu ku Xybinhu, contos tradicionais caboverdianos de carácter humorístico e infantil.
Tamén se recolleron achegas doutras comunidades. Malick, do centro de refuxiados, presentou contido en Criollo e Wolof, linguas faladas en Guinea Bissau e Senegal. Alexander compartiu unha lenda colombiana, mentres que Macadou e Abdoulaye, de Mali, fixeron chegar vivencias en Bambara e Francés. Tamén Malika, de Marrocos, enviou materiais literarios en árabe, que continuará completando no futuro, tal como explicou.
O tenente alcalde de Burela, Mario Pillado, cualificou a actividade como “un punto de partida xenial para este Recuncho Multicultural que queremos crear” e convidou á veciñanza a participar, sinalando que “animamos tanto os que nos acompañaron este venres na Casa da Xuventude como a todos e todas aqueles que queiran participar compartindo con nós todo o coñecemento que posúen en canto a tradición oral, no seu idioma de orixe e con respecto á cultura popular”.
As inscricións poden facerse de xeito presencial no Concello de Burela e no correo integracioninmigrantes@burela.org. O rexedor rematou afirmando que “todas as aportacións que nos cheguen serán ben acollidas.”
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
