Gabi Lucchesi aportará versatilidade, técnica e velocidade ao novo plantel do Burela FS 

A ala zurda brasileira procedente do AD Ceuta FS incorporarase ao noso plantel para esta próxima tempada

Burela, 8 de agosto, 2025. Gabriela Dias Lucchesi (01/03/91 – Caraibas, Baía. Brasil) é a nova fichaxe do CD Burela FS para continuar completando o plantel do equipo feminino para este curso 25/26. A ala zurda, que xogou tanto a fútbol campo como fútbol sala, destaca pola súa velocidade, versatilidade, técnica e no un contra un, con excelente capacidade para adaptarse a distintos sistemas de xogo.

Con ganas de achegar ao equipo, a brasileira defínese como xogadora: “Son disciplinada, profesional, loitadora e incansable. Sempre dou o mellor de min en cada adestramento e cada partido. Teño un perfil físico que me permite soster un alto ritmo de xogo e adaptarme a distintas esixencias. Adáptome con facilidade a diferentes esquemas e variables de xogo. Ademais, son moi comprometida co equipo e co proxecto e creo que podo achegar non só desde o futbolístico, senón tamén desde a actitude e a constancia. Estou sempre disposta a aprender e a sumar, no individual e no colectivo”.

Tres veces campioa bahiana de futsal, participou na Taça Brasil e Copa de Brasil en Primeira División, e foi campioa de fut7-Etapa Nordeste co Jequié (Baía). Tamén foi integrante do Minas Brasília, competindo na Serie A do Campionato Brasileirão feminino, a elite do fútbol campo feminino en Brasil. Dá os seus primeros pasos en fútbol campo no Juventude – BA (2017/2018) pasando a formar parte do Ipatinga na siguiente tempada e posteriormente no Bahía na 2019/2020. Na 20/21 ficha polo Minas Brasilia FF e estrease no futsal disputando a Segunda División femenina en España, dende a campaña 21/22, no AD Teldeportivo. Continúa no AD Ceuta FC dende a 22/23 ata a pasada 24/25, colaborando nos ascensos a Primera División de ambos equipos.

A brasileira está ilusionada co seu ingreso no Burela. “Véxoo como un paso importante no meu desenvolvemento profesional. Burela é un club con moita tradición no futsal feminino e ter a oportunidade de formar parte deste grupo é unha responsabilidade que asumo con moita seriedade, pero tamén con entusiasmo. Quero medrar, competir ao máis alto nivel e contribuír aos obxectivos do equipo”, sinala. Gabi Lucchesi móstrase motivada por formar parte deste renovado proxecto. “Paréceme que o club está atravesando unha etapa moi interesante. A renovación que están impulsando mostra un compromiso forte co crecemento e a mellora continua. Nótase que hai unha visión de futuro ben pensada, e iso motiva a quenes formamos parte. Persoalmente, estou entusiasmada co proxecto e con ser parte deste proceso de transformación”, valora.

Aínda que nunca xogou en Vista Alegre xa oíu falar da nosa gran Familia Laranxa: “Aínda non tiven a oportunidade de xogar en Vista Alegre, pero teño moitísimas ganas de sentir o que se vive alí. Faláronme moito da Marea Laranxa, de como apoian ao equipo en cada partido, e a verdade é que estou desexando compartir a pista con esa enerxía dende a bancada. Sei que xogar con esta afección será algo especial e teño moitas ganas de vivilo e dalo todo por eles”.