Suso Fernández
Cronista Oficial de Foz
Na súa casa da viguesa Praza de Compostela acaba de finar o ilustre mariñán don Francisco Fernández del Riego, fillo predilecto de Lourenzá: escritor, historiador e político nos tempos en que éstes – os políticos – eran, según as súas palabras, románticos, non buscaban compensacións, traballaban simplemente por ideais, cunha pureza e unha autenticidade admirables. Ou sexa, nada que ver co de hoxendía… Tan brillante persoeiro recibíu ó longo da súa vida os mais importantes galardóns que se reservan a aqueles que a tais niveis honran a súa terrra: Pedrón de Ouro, Medalla Castelao, Premio Trasalba. Medallas de Ouro de Galicia ou da cidade de Vigo e da Universidade de Compostela, Galego Egrexio…Foi Presidente da Real Academia Galega.
Polo que á Mariña respecta a Asociación Cultural O Mundo de Galea investiuno Cabaleiro do Mariscal Pardo de Cela en 2008 para o que, debido ós seus problemas de mobilidade se desprazaron a Vigo unha trintena de membros da mesma para asistir ó solemne acto que se desenvolveu no Hotel Avión daquela cidade. Na súa condición de voceiro, este cronista encetou o mesmo con estas palabras: “ Estas que o acompañan son as súas xentes; as xentes da bisbarra que ten para vostede o corazón en Vilanova; daqueles pobos que con tanta galanura describe no seu fermoso libro “Lourenzá”. Vimos a ofrecerlle o testemuño da nosa gratitude, da nosa admiración e do noso agarimo. Da gratitude porque é vostede persoa que honrou sempre, e a honra, á súa terra, que é a nosa. Gratitude, pola súa exemprar experiencia vital: decíame nunha das entrevistas que tivo a xentileza de concederme que cando lle chegara a hora da morte iríase tranquilo, porque non fixo mal a ninguén, foi sempre fiel a si mesmo, ó seu pensamento, e as súas actuacións estiveron sempre presididas polo concepto da honestidade e da coherencia. Gracias polo exempro. Traémoslle a esta cosmopolita cidade de Vigo a lembranza da virxiliana natureza do seu val, “a cunca multiverde arrodeada de lombas”, como vostede a describe, e tamén as brisas da Rapadoira, que na súa nenez e adolescencia tanto disfrutou, “esquieiro” en ristre, por entre as penas do Escairo e da Garita, alí onde Buón, o cantor de Mondoñédo que chamou Lence Santar, perdeo a vida.
Traémoslle os recordos do seu “vagacento pasear” polo silente cantón enlousado da súa vila natal; os de lugares e paraxes que lle son tan queridos: Batán, Baos, Cuñas, Cabaleiros, a Ponte da Pedra, O Masma, A Cazolga… Por todo eso, e moito mais, esta Asociación O Mundo de Galea quere distinguilo co máximo galardón que lle é posible: o de Cabaleiro do Mariscal Pardo de Cela” Descanse en paz, insigne Cabaleiro.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
