Ameijide advirte que “a xestión económica do PSOE en Lugo endebeda e arruína a moitos concellos” e, co seu apoio incondicional, “Tomé estase a converter en cómplice desa situación: non se debería limitar a auxiliar, senón que debería preguntarse que está pasando e debería tomar medidas para pedir seriedade e responsabilidade na xestión aos alcaldes socialistas en lugar de tapar todos os desmáns e incapacidades de xestión cos cartos dos lucenses”
Lugo, 2 de setembro de 2025. “A xestión económica de numerosos Concellos gobernados polo PSOE é calamitosa”, segundo advirte o portavoz do Grupo Provincial Popular, Antonio Ameijide, á vista de que “moitos deles non dispoñen de liquidez para pagar incluso gastos correntes, como por exemplo, o combustible da maquinaria municipal. A xestión económica do PSOE en Lugo fai perigar a estabilidade e a viabilidade económica dos Concellos onde gobernan”.
“É o caso de Meira para o que o goberno provincial de PSOE e BNG aprobaba recentemente, a porta pechada, un convenio para axudar a tapar a mala xestión do alcalde socialista co diñeiro de tódolos lucenses”, segundo explica o popular. “A situación é realmente alarmante” porque, entre o destino das achegas da Deputación ao Concello atópase, por exemplo, o pagamento da parte que lle correspondía a este último pola construción do centro de atención a maiores no municipio. É dicir, “a Deputación de Lugo achega diñeiro para que o Concello de Meira poida cumprir o compromiso de pago á propia Deputación de Lugo. Iso só pasa con Concellos gobernados por socialistas que sexan amiguetes de Tomé: conceder convenios para pagar convenios coa mesma administración”.
O popular incide en que “dende o Partido Popular estamos de acordo en que a Deputación colabore cos distintos municipios da nosa provincia” porque, segundo lembra, unha das súas funcións propias é a cooperación cos Concellos -especialmente os de menor capacidade económica-. Pero demanda “igualdade de trato para todos os concellos e todos os veciños e veciñas da provincia, non só para os que estean gobernados polo PSOE ou o BNG e, especialmente, aqueles máis próximos ao presidente, José Tomé, ou aos que deba contentar para poder seguir á fronte da institución provincial e do propio PSOE lucense”.
O popular cre que “Tomé non se debe limitar a auxiliar incondicionalmente aos Concellos cunha pésima xestión económica por parte de alcaldes socialistas que non son capaces nin de pagar as súas propias facturas; senón que debería preguntarse que é o que está pasando para que o PSOE estea endebedando e arruinando a moitos Concellos coma o de Pol ou anteriormente Viveiro, por exemplo”. Deste xeito, “Tomé convértese en cómplice desa mala xestión”, puntualiza.
Ameijide tamén condena a “dobre vara de medir” do goberno de Tomé que “accede a financiar gastos correntes ou determinadas actuacións a través de convenios a dedo aos concellos gobernos por PSOE e BNG, mentres que se nega a financiar eses mesmos conceptos en igualdade de condicións a tódolos concellos da provincia co Plan Deputación” que nas súas bases recolle exclúe este tipo de finalidades. Nese sentido, advirte da “discriminación aos Concellos gobernados polo Partido Popular, a metade da provincia, e polo tanto tamén aos seus veciños e veciñas que non se poden ver beneficiados de máis achegadas da Deputación de Lugo que non sexan aquelas que determinan PSOE e BNG a través do Plan Deputación, a única ferramenta que se rexe por criterios máis obxectivos e que non sería posible sen o impulso do Grupo Popular”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
