“O alcalde prioriza regalar diñeiro a un festival vinculado á súa ideoloxía en lugar de ofrecer servizos aos veciños e veciña de Muras ou impulsar os eventos do propio municipio”
Muras, 2 de setembro de 2025. O Partido Popular sinala que “o alcalde nacionalista de Muras recoñeceu no último Pleno que aporta dende o ano 2015 diñeiro do Concello, diñeiro de todos e todas as veciñas, a un festival de música que se celebra en Santiago e cun marcado carácter ideolóxico”.
A portavoz, Eugenia Requeijo, explica que este ano “o alcalde regala máis de 500€ (544,50€) ao Festigal 2025 por insercións publicitarias na revista e no programa deste festival de música galega cunha clara orientación nacionalista que se celebra noutro lugar, curiosamente tamén gobernado polo BNG”.
A popular critica que “o alcalde priorice sufragar un festival estreitamente vinculado á súa ideoloxía que se celebra noutro concello” en lugar de “ofrecer servizos aos veciños e veciñas de Muras”. Así, afea este tipo de accións do alcalde: “por moito que durante o último pleno animara aos veciños e veciñas a asistir a este festival, este gasto do Concello non nos beneficia directamente en nada”.
Eugenia Requeijo lembra, ademais, a “crítica situación económica do Concello” como recollen os informes técnicos municipais. “Pero o rexedor nacionalista, en lugar de facer unha xestión económica responsable, regala diñeiro aos que comparten a súa ideoloxía”.
A popular recorda tamén que “o alcalde preocúpase por axudar a financiar outros festivais, pero non se interesa por impulsar as tradicións celebracións do noso concello. Non só non participa, senón que non se interesa por melloralas para que realmente sexan un impulso para Muras”.
Os populares teñen solicitado a finais do pasado mes de abril unha reunión formal co alcalde para abordar, entre outros temas, ideas para as feiras e eventos anuais con intención de darlles un xiro importante; pero “continuamos agardando a que o alcalde se sente a falar con nós”.
Eugenia Requeijo lembra que “o goberno do BNG en Muras está en minoría e require de diálogo coa oposición para chegar a acordos cos que sacar adiante asuntos importantes. O que non pode é tratar de impoñer e, moito menos, facer as cousas sen respectar a lei”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
