Burela, 6 de setembro, 2025. Estrea da tempada 25/26 da 1ª División Iberdrola FS en Vista Alegre, ante un dos equipos máis potentes da categoría, o Melilla Ciudad del Deporte Torreblanca, na que se respirou a paixón laranxa tanto na pista coma na grada, cunha afección que non deixou de alentar a un plantel de Belén Feal que o deu todo, sen rendirse, durante os 40 minutos.
Comeza presionando con intensidade o Burela, primeira ocasión a porta de Cris Blanco que a toca de cabeza dende propia cancha pasando o balón por riba de Bia da Silva, pero sae fóra. No minuto 5 Bía Souza anota o 0-1 dende os 10 metros, e no 7 Ana Eliza logra desviar fóra un bo disparo escorado de Nega. No minuto 11 Juliana anota o segundo tanto rematando a placer un pase de Amandinha. Un Burela moi defensivo aguanta os próximos minutos a presión alta do Melilla, que logra o terceiro a segundos do descanso cun gol de Nega nunha xogada de estratexia na área.
Na segunda parte continúa o Burela defensivo da primeira, ante un Melilla que non permite e que anota o cuarto no primeiro minuto deste segundo tempo, un gol de Juliana que remata un pase tras un saque de esquina. Un minuto despois Ana Luiza lanza ao traveseiro e segundos despois Lola saca un balón directo a porta por encima do largueiro. No 24 Juliana volve a anotar outro tanto cun lanzamento longo que pasa por riba da defensa burelá nunha saída de portería de Lola. Continúa a defensa do Burela e Lola volve a sacar fóra un lanzamento directo e potentísimo de Emilly salvando o sexto gol. Sucesivos paradóns de Lola durante os próximos minutos nos que salva 3 goles en dous minutos. No minuto 28 Gabi cae contra a parede nunha falta do Melilla e é trasladada ao hospital, de momento sabemos que está consciente e en principio, ben, á espera dos resultados dun TAC. Esperamos que fose o mínimo posible e se recupere pronto. Volve a salvala lola no minuto 29 nun remate de cabeza de Nega que atrapa a porteira burelá coas mans. No 31 intentao o Burela cun remate de Lara nun saque de esquina que despexa a defensa melillense continuando con varios saques de banda e lanzamentos que non logran entrar en portería. Resisten as Pícaras ante a intensidade do Melilla. No minuto 35 Laura Barranco consigue o primeiro tanto tras unha combinación con Lara que logra repeler a porteira rival deixando un balón morto na área que aproveita Laura anotando o 1-5. Anímase o Burela e aumenta a intensidade de xogo durante os vindeiros minutos. Inténtao Lola a dous minutos do final cunha saída e disparo que atrapa María Arcas. Nos dous últimos minutos Emilly sentencia o encontro con dous goles, o primeiro un disparo lonxano que entra case pola escuadra nunha xogada de estratexia e no segundo a brasileira rouba o balón en cancha rival e executa un potentísimo disparo dende case o borde da área.
Ficha Técnica Burela FS 1-7 Melilla Ciudad del Deporte Torreblanca
Burela FS (1): Ana Eliza; Cris Blanco, Gabi, Silvia Rubal (C), Lara -quinteto inicial-, Laura Barranco, Irene, Sydorenko, Sandra, Lola (P), Marina, Mara.
Melilla CdD Torreblanca (7): Bia da Silva; Laura Uña, Silvina, Juliana, Bia Souza -quinteto inicial-, Amandinha, Irene Samper, Nega, Emilly, Ana Luiza, María Arcas (P)
Goles: 0-1, min. 5: Bia Souza. 0-2, min. 11: Juliana. 0-3, min.20: Nega. 0-4, min. 21: Juliana. 0-5, min. 24: Juliana. 1-5, min.35: Laura Barranco. 1-6, min. 39: Emilly. 1-7, min.40: Emilly.
Árbitros: Mayra Camila Araujo (Galicia), Roberto Amor (Galicia), Berta García (Galicia)
TA: Por parte do Burela FS; Gabi, Cris Blanco, Irene. Por parte do Melilla; María Arcas.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
