A primeira mesa de recollida estará instalada diante do Centro de Saúde ás 11:30, coincidindo coa concentración quincenal que convoca a Plataforma na Defensa da Sanidade Pública da Mariña
A Mariña, mércores 17 de setembro 2025. A Plataforma na Defensa da Sanidade Pública da Mariña convoca para mañá xoves 18 de setembro ás 11:30 unha nova concentración diante do Centro de Saúde de Viveiro. Na mesma vaise dar inicio a unha campaña de recollida de sinaturas para trasladar ao conselleiro de Sanidade a situación que se está a sufrir en Viveiro e na zona correspondente ao seu PAC.
“A asistencia sanitario non estivo nin está garantida”
Afirman desde a Plataforma que tal como puideron comprobar os veciños e veciñas, a asistencia sanitaria este verao non estivo garantida na Mariña, que era o que afirmaban desde o Sergas e desde a Conselleria de Sanidade a principios do mes de xullo, ante alcaldes do Partido Popular da zona.
O non cubrírense de xeito estable as ausencias do persoal falcultativo de familia e pediatría supón deixar unha poboación avellentada, con moita dispersión xeográfica e con dificultades para o desprazamento en moitos casos, sen medico/ a de familia e supón tamén agardas para a atención médica, para renovación de baixas ou receitas de máis de quince ou vinte días , chegando a darse agardas de trinta e seis días.
Estas ausencias de persoal facultativo provocan tamén un déficit de atención á maioría das modalidades da asistencia sanitaria ( demanda,urxencias, domicilios), xa que habitualmente a substitución é con axenda pechada.
“O PAC, que ademáis de Viveiro acolle a Ourol e O Vicedo, resíntese”
A sobrecarga do resto de profesionais que asumen a sobrecarga e colapso dos servizos de urxencias e PAC, que tamén son utilizados polos concellos de Ourol e Vicedo ( de xeito habitual e tamén cando os derivan por falta de médicas/os nos seus centros de saúde) é outra das consecuencias da non cobertura das ausencias de médic@s, que provocan así mesmo moitas dificultades para establecer unha comunicación terapeútica óptima, nun clima de confianza e atención incompleta ao seguimento e control de procesos crónicos así como unha merma no control dos factores que inciden no desenvolvemento das enfermidades( físicos, psicolóxicos, emocionais, sociais ), impedindo que se acade unha asistencia sanitaria de calidade, de proximidade e equitativa.
É evidente pois, afirman Montse Porteiro e Samuel Bouza, que a atención sanitaria non está garantida, nin estivo garantida durante o verao, pois as especialidades de familia e pediatría siguen nunha precaria situación, e por eso convidamos a toda a veciñanza de Viveiro e comarca a asistir á concentración e participar na recollida de sinaturas, que se empeza mañá diante do Centro de Saúde pero que se desenvolverá durante varias semanas e na que participarán tamén diversos colectivos sociais.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
