Pilar García Porto destacou que este foro “permitirá compartir coñecementos entre expertos, institucións, empresas e entidades sociais, co obxectivo de mellorar a gobernanza, a dixitalización e a calidade da oferta turística vinculada ás augas interiores”
Lugo, 18 de setembro de 2025. A Deputada de Réxime Interior, Promoción do Territorio e Turismo, Pilar García Porto, xunto co Alcalde da Fonsagrada, Carlos López López, inauguraron o I Congreso de Turismo de Embalses de España, unha cita pioneira que reúne a unha vintena de expertos, institucións, empresas e entidades sociais co obxectivo de poñer en valor os encoros como espazos turísticos sostibles, innovadores e competitivos. A primeira edición deste encontro, que conta con 40 persoas inscritas, desenvólvese hoxe e mañá nesta localidade da montaña lucense.
Pilar García Porto destacou que este foro pioneiro que se desenvolverá hoxe e mañá nesta localidade da montaña lucense, no marco do proxecto Turembalses do que forma parte a Deputación, “é unha aposta intelixente e lóxica, porque incorpora ao desenvolvemento turístico unhas infraestruturas con décadas de historia que, ata o de agora, non foran obxecto dunha reflexión sistemática para aproveitar o seu potencial”.
Sinalou a Deputada que estas dúas xornadas, “permitirá compartir coñecementos entre expertos, institucións, empresas e entidades sociais, co obxectivo de mellorar a gobernanza, a dixitalización e a calidade da oferta turística vinculada ás augas interiores”. De feito, puxo en valor á provincia de Lugo, onde a omnipresencia da auga deu lugar a produtos turísticos de éxito como as rutas en catamarán pola Ribeira Sacra, que superan os 61.000 visitantes anuais.
“Do mesmo xeito, os encoros ofrecen oportunidades para combinar natureza, deporte, cultura e gastronomía, nunha oferta diversa que vai do sendeirismo á BTT, das visitas patrimoniais ao enoturismo, ou mesmo de deportes fluviais a experiencias en globo aerostático”, indicou García Porto.
A Deputada provincial valorou tamén o Canón do Navia na súa vertente lucense, que abrangue concellos como A Fonsagrada, Navia de Suarna ou Negueira de Muñiz, integrados nas Reservas da Biosfera recoñecidas pola UNESCO. “Falamos dun territorio auténtico, cheo de recursos naturais e culturais, cun gran potencial para un turismo sostible que xere riqueza no rural e axude a fixar poboación”, engadiu.
Rematou García Porto sinalando que o turismo vencellado ás augas interiores debe contribuír á conservación ambiental e á cohesión territorial. “Queremos un modelo turístico que respecte a diversidade e ao mesmo tempo a dea a coñecer, e estamos convencidos de que a aposta por TUREMBALSES é un paso decidido neste camiño”, concluíu.
Aposta polo turismo de encoros
O I Congreso de Turismo de Embalses desenvolverase desde hoxe e ata mañá na Fonsagrada e abordará cuestións clave como a potencialidade do turismo de encoros, gobernanza e xestión sostible dos encoros como recurso turístico, dixitalización e calidade da oferta, oportunidades de negocio e cooperación entre territorios, e retos e oportunidades. O encontro reunirá durante estas dúas xornadas a expertos, institucións, empresas e entidades sociais para poñer en valor os encoros como recursos estratéxicos para un turismo sostible, innovador e competitivo no medio rural.
O proxecto TUREMBALSES está impulsado polas Deputacións de Cáceres, Lugo e Badajoz, FEMEMBALSES, a ADI Sierra Oeste de Madrid, a Mancomunidade Valle Norte do Lozoya e a Asociación Navarra Tierras de Iranzu, co obxectivo de posicionar as augas de interior como destinos turísticos sostibles e motores de desenvolvemento rural en España.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
