Viveiro, 22 de setembro de 2025. O PSdeG-PSOE de Viveiro agradecer e felicita a Prato_Do e ao seu responsable, o viveirense Lucas Requejo, pola organización das xornadas “Gastronomía con ADN”, celebradas hoxe en Viveiro. Un encontro que puxo en valor a nosa cociña, servindo como escaparate do talento local e como plataforma de promoción da marca gastronómica de Viveiro.
Estas xornadas enmárcanse no proxecto “Spain Culinary Villages”, no que Viveiro participa “grazas á aposta realizada polo anterior goberno municipal presidido por María Loureiro”.
“Foi nese mandato cando se presentou a candidatura de Viveiro para ser incluída neste programa, xunto con outras catro vilas de España, os municipios que forman parte de la rede, son Ezcaray (La Rioja), Alcalá del Valle (Andalucía), Moratalla (Murcia) e Parrés (Asturias), conseguindo a correspondente subvención do Ministerio de Industria e Turismo, destinada a promocionar a gastronomía como elemento diferenciador do turismo”.
“Dentro deste marco, o anterior goberno apostou por contar con profesionais da nosa cidade, como Lucas Requejo, que desde o primeiro momento se mostrou colaborativo e deseñou, xunto con outros profesionais propostas coma a de hoxe, visibilizando restaurantes de referencia e produtos locais, reforzando así a imaxe de Viveiro como destino gastronómico de calidade. Todo isto acompañado dun audiovisual de gran nivel e fermosas reportaxes gráficas elaboradas con gran sensibilidade por Horacio Albo”.
“Desde o PSdeG-PSOE de Viveiro subliñamos que a promoción turística e gastronómica foi e seguirá sendo unha prioridade, porque apostar pola nosa cociña, polos nosos produtos e polos nosos profesionais é apostar polo futuro económico e turístico da nosa cidade.
Queremos reiterar o noso agradecemento a Prato_Do e a Lucas Requeijo por seguir facendo medrar un proxecto que naceu no anterior mandato e que debe consolidarse como unha ferramenta clave para a proxección de Viveiro no ámbito nacional”.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
