Ribadeo, 26 de setembro de 2025. Ribadeo inviste 1,2 millóns de euros neste 2025 nas estradas da zona rural. Unha contía xestionada coa Xunta de Galicia e tamén a través do Plan Único da Deputación de Lugo. As vindeiras actuacións terán lugar en Vilaframil, Piñeira, Vilaselán, Cedofeita, Ove ou Remourelle.
O alcalde, Dani Vega, contou que “seguimos mellorando as nosas infraestruturas, sendo coñecedores que hai moitas mal, sendo conscientes de que debemos investir e temos que xestionar moito orzamento porque realmente as infraestruturas non están ben, hai moito que investir. Nestes momentos o Concello de Ribadeo xestionou 1,2 millóns de euros. Cales son as dúas vías de financiamento? Unha, a Xunta de Galicia e dúas, a Deputación a través do Plan Único que nos corresponde a todos os Concellos. Son dúas vías que estamos tendo e que evidentemente estamos chegando ou vamos chegar nestes momentos a moitos puntos do noso concello”.
O rexedor explicou que “xa actuamos en Arante, actuamos tamén en Cubelas concretamente en Vilela e nas Anzas, actuamos entre as parroquias de Couxela e Santalla e en Vilaframil. En Vilaframil tamén agora vamos seguir actuando en dúas delas. Tamén en Piñeira concretamente agora en estes momentos no barrio do Vilar. E vamos a actuar en Vilaselán, na Devesa, en Cedofeita, Ove e Remourelle. E así, continuamente investindo e actuando en cada un dos puntos do noso Concello”.
Vega subliñou que “este 1,2 millóns de euros é para este ano. Hai que recordar que vamos licitar tamén nos próximos días a variante de Rinlo, é dicir actuaremos en toda esa estrada que parte está destrozada, ao lado do Camping e do Labelinto, literalmente a terra e rematar a estrada da costa, que está completamente destrozada e intransitable”.
O alcalde considera que “queda moito que facer, moito que mellorar, pero creo que dende a humildade, dende a responsabilidade, vamos seguir mellorando as estradas. Somos conscientes de que queríamos andar máis rápido, pero isto non é así, hai que xestionar, hai que licitar e o importante ou o fundamental é que nestes momentos xa, despois de todo ese proceso, empezamos a traballar. Ese 1,2 millón de euros, significa que hai un Plan Avanza Rural que fai unha aposta clara pola mellora das infraestruturas de seguir coidando o noso rural”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
