Hai persoas cuxa ausencia deixa un baleiro imposible de encher, pero cuxa presenza permanece en cada proxecto, en cada idea, en cada xesto compartido. José Luis Prieto Arroyo é unha desas figuras que non se apagan co tempo, porque o seu legado se multiplica en quen traballamos ao seu lado e nas institucións que transformou coa súa visión.
En Lugo tivemos a sorte de contar con el como pai do Centro Asociado da UNED, que inauguramos en 2008 grazas ao seu empeño e á súa capacidade de convencer a todos de que era unha necesidade histórica para esta provincia. Lugo era entón a única provincia de Galicia sen centro cabeceira, e José Luis soubo ler o futuro: comprendeu que a UNED debía estar aquí, como ferramenta de igualdade e progreso. Hoxe, milleiros de estudantes beneficiáronse daquela aposta, e cada matrícula, cada titulación, é tamén unha homenaxe silenciosa á súa teimosía.
A súa lideranza no equipo de Lugo foi especial. Non era un xefe no sentido clásico, senón un guía que escoitaba, alentaba e abría camiños. Apostaba pola creatividade e pola innovación, sempre adiantado ao seu tempo. Vía máis alá dos límites e transmitíanos a certeza de que todo era posible se había compromiso e traballo colectivo. Confiaba nas persoas, e iso facíanos medrar.
Pero José Luis non era só un académico brillante nin un xestor universitario impecable. Era, sobre todo, un home de terra e raíces. Berciano de corazón e focense de adopción, levou sempre con orgullo a condición leonesa, sendo un gran embaixador da súa terra. O seu amor polo próximo, polo auténtico, mesturábase cunha vocación universal: a educación como dereito e a cultura como horizonte.
No persoal, quen o coñecemos de preto sabemos que o seu amor a Pilar e aos seus rapaces Álex e Álvaro foino todo. Imos lembralos xuntos para sempre porque a súa historia é a dun amor forte, sereno e fecundo.
José Luis foi adiantado ao seu tempo, un innovador nato, pero tamén un home fondamente humano. Déixanos unha universidade mellor, un equipo máis forte e unha lección imborrable: que liderar non é mandar, senón acompañar; que ensinar non é só transmitir coñecementos, senón sementar valores; que amar a terra e á xente é tamén unha forma de construír futuro.
En Lugo, na UNED e en todos os recunchos onde a súa voz deixou pegada, o seu recordo seguirá vivo. E quen formamos parte do seu equipo sabemos que o mellor que podemos facer para honralo é seguir traballando coa paixón, a creatividade e a entrega que el nos ensinou.
Porque José Luis Prieto non marchou de todo: segue connosco, en cada aula, en cada estudante, en cada proxecto que nace, porque todo o que facemos aquí esperta de alí, da súa privilexiada visión de futuro.
Carlos García Rodríguez – Xestor de Administración e Representante do Persoal UNED Lugo.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
