O goberno local retirou o antigo valado, limpou a maleza e residuos acumulados e instalará un novo peche e formigón na beirarrúa para garantir un espazo salubre e seguro para os veciños e veciñas
Vilalba, 30 de setembro de 2025. O Concello de Vilalba vén de acometer unha actuación integral na Travesía dos Pasos, concretamente nunha das beirarrúas onde se atopa un solar cunha construción abandonada que xeraba continuas molestias á veciñanza polo crecemento da maleza e a acumulación de residuos.
A intervención municipal consistiu na retirada do antigo valado, que se atopaba en mal estado, para substituílo por outro novo que garanta a seguridade dos viandantes. Ademais, realizouse unha limpeza completa da zona, retirando toda a vexetación e os residuos acumulados. Nunha fase posterior aplicarase formigón sobre a beirarrúa, deixando o espazo totalmente acondicionado, seguro e en condicións salubres.
A alcaldesa, Marta Rouco, explicou que esta actuación responde á “necesidade de dar unha solución a unha situación que estaba a afectar á calidade de vida dos veciños e veciñas da zona, xa que a maleza e os residuos acumulados xeraban problemas de salubridade e inseguridade”.
Rouco lembrou tamén que, ao tratarse dunha parcela privada, o Concello non pode actuar dentro da mesma, pero si “velar por que o estado de abandono desta propiedade non repercuta negativamente no resto da veciñanza”.
“Este tipo de accións son unha mostra do compromiso do goberno local con mellorar o día a día dos veciños e veciñas, acondicionando espazos que, aínda que non sexan de titularidade municipal, repercuten directamente na vida da xente”, concluíu a rexedora.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
