A Mariña, 1 de outubro de 2025. O Valadouro acolleu hoxe o I Foro Turismo e Sostibilidade A Mariña Lucense, un punto de encontro no que se debateu sobre o papel do turismo na sociedade actual e os desafíos que enfronta o sector para acadar un modelo sostible.
O encontro foi inaugurado polo delegado do Goberno en Galicia, Pedro Blanco; a presidenta da Mancomunidade de Concellos da Mariña Lucense, Rocío López; o director xeral da Axencia de Turismo de Galicia, Xosé Manuel Merelles; e o alcalde do Valadouro, José Manuel Lamela.
Na súa intervención a presidenta da Mancomunidade da Mariña salientou a importancia deste foro como un espazo no que traballar nas estratexias e solucións coas que “avanzar cara a ese modelo sostible ao que todos aspiramos” porque, tal como indicou “todos queremos un turismo que aporte beneficios económicos pero non a costa do benestar integral do territorio”. Neste senso lembrou que desde a Mancomunidade estase a traballar en diversos proxectos para o fomento do turismo activo, de natureza, cultural e gastronómico sempre no marco da sostibilidade. “Son iniciativas para reforzar as redes de colaboración e mellorar a calidade de servizos no territorio”, explicou Rocío López, quen indicou que son proxectos que responden a unha planificación coa que “facer da Mariña un lugar cada vez máis visible e mellor posicionado, con froitos e resultados moi interesantes, a través dos cales aspiramos a crecer como destino sostible”.
Turismo e sostibilidade
O encontro contou coa participación de expertos en turismo e sostibilidade de diferentes organizacións que compartiron as súas experiencias, analizaron as principais tendencias a nivel global e plantexaron conclusións para prácticas sostibles no territorio. Un evento que posicionou A Mariña como un lugar de reflexión e debate sobre os retos e desafíos da actividade turística.
IñakiGaztelumendi (consultor estratéxico no sector turístico e asesor da ONU Turismo) abordou na súa ponencia o reto que supón a implantación dun modelo sostible “que considere o turismo como unha actividade para atopar o equilibrio entre o benestar dos residentes e os beneficios económicos, reducindo os impactos negativos sobre a contorna e as comunidades”.
Alfonso Bertrán (arquitecto Fundación RIA) compartiu varios dos proxectos que vén realizando a Fundación RIA, centrados na mellora das poboacións locais e que se desenvolven conforme a unha profunda colaboración coas comunidades locais. Trátase de investigar nos territorios, comprender a súa evolución ao longo dos anos e integrar as necesidades e preocupacións principais en proxectos concretos.
Nere Ariztoy (consultora e formadora en turismo, marketing e comunicación) presentou o proxecto desenvolvido en Urola Kosta, unha comarca de Guipúzcoa que liderou unha iniciativa para poñer en valor o territorio e un modelo turístico sostible, respectuoso coas persoas e coa contorna. Neste senso destacou a importancia de xestionar, crear e dar vida ao territorio a través da colaboración entre todos os axentes implicados, apostando pola sostibilidade e polas persoas que habitan os espazos.
Patricia Dueñas (responsable global de Economía Circular en Iberostar Hotels & Resorts) explicou na súa intervención o proxecto de sostibilidade emprendida desde a compañía na que traballa. Convidou aos participantes a reflexionar sobre a capacidade de cada persoa para avanzar na sostibilidade dentro da súa área de influencia, un exercicio individual a prol dun cambio global. Ademais, salientou a importancia de pensar e repensar como se distribúe a riqueza que xera o turismo, xa que debemos implantar un modelo que beneficie a todos.
Mesa redonda
Os asistentes degustaron un petisco servido polo Colectivo Gastronómico da Mariña, que consistiu en diferentes pratos elaborados con produtos e receitas tradicionais da Mariña, así como un servizo de café ofrecido polo IES de Foz. O foro rematou cunha mesa redonda na que, aos ponentes, se sumaron representantes do tecido social, institucional e empresarial da Mariña, como Ana Ermida, alcaldesa de Barreiros e vicepresidenta da Mancomunidade de Concellos da Mariña Lucense; José Manuel Villapol, representante na Mesa de calidade no SICTED; Pepe Peinó, coordinador do programa Mariña Marabillosa; e Carmen Cruzado, presidenta da Federación de Comercio A Mariña (FCAM).
A mesa redonda foi un espazo participativo no que se compartiron visións do que é un turismo sostible e como A Mariña ten a oportunidade, os recursos e a vontade para avanzar nun modelo respectuoso capaz de xerar valor e riqueza para as persoas que integran o sector e para a poboación en xeral. O crecemento do turismo nas últimas décadas converteu a este sector nunha das principais forzas mobilizadoras da economía, o que tamén ten unha serie de consecuencias a nivel social e medioambiental que os territorios deben ser capaces de abordar con perspectiva de futuro.
Este I Foro Turismo e Sostibilidade contou coa participación de máis de 70 persoas, técnicos e profesionais do sector turístico da Mariña Lucense, pero tamén cidadanía en xeral. A iniciativa enmárcase no Plan de Sostibilidade Turística na Mariña Lucense, cofinanciado pola Mancomunidade da Mariña, a Axencia Turismo de Galicia e a Secretaría de Estado de Turismo, e que nos últimos anos vén avanzando na execución de diferentes proxectos que teñen como obxecto favorecer o desenvolvemento dun turismo máis integrador, respectuoso e de calidade no territorio.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
