A Vicepresidencia da Deputación colabora na organización das festas
Mondoñedo, 1 de outubro de 2025. A deputada de Cultura Iria Castro participou esta mediodía na presentación da 869 edición das San Lucas de Mondoñedo, que contan unha edición máis co apoio da Vicepresidencia da Deputación de Lugo.
As actividades arredor do cabalo centran a axenda das festas que se celebran do 16 ao 20 de outubro e que terán como pregoeiro a Carlos Folgueira, herdeiro do legado do Rei das Tartas, e que renderán homenaxe a Xosé Vizoso.
A baixada dos cabalos desde os montes próximos ata o campo da feira, con paso polo Barrio dos Muíños, a rúa San Roque, a Fonte Vella ou a Praza da Catedral – o día 17 – e a gran feira tradicional de gando cabalar -o día 18- serán as principais actividades arredor do cabalo no programa das feiras, que acollerán certames de andadura, certames morfolóxicos e espectáculos de doma nocturna.
A deputada de Cultura Iria Castro ratificou “o apoio da Vicepresidencia da Deputación de Lugo ás San Lucas, que se veñen celebrando desde 1156 e que son emblema da pegada cultural e social de séculos de relación co cabalo e co medio natural”. “As San Lucas son memoria, tradición e identidade, parte do noso patrimonio como galegas e galegos, por iso é obrigado para as institucións mantermos unha colaboración de xeito estable e constante coa organizacion, a que felicitamos un ano máis polo traballo”
A deputada provincial valorou tamén a iniciativa de “lembrar e homenaxear a Xose Vizoso, que tan xenerosamente colaborou co deseño da cartelería das San Lucas ao longo da súa vida, co deseño deste ano, obra do seu fillo Daniel Vizoso”
A área de Cultura achega de 20.000 euros á organización das San Lucas que tamen conta co apoio organizativo da área de Rural para a feira e as actividades arredor dos cabalos.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
