Foz, 1 de outubro de 2025. Este venres, día 3 de outubro, remata o primeiro prazo de inscrición nas Escolas Deportivas Municipais (EDM) de Foz, que comezarán a súa actividade o vindeiro luns, 6 de outubro. Para este curso 2025-2026 o Concello de Foz ofrece patinaxe artística, ximnasia rítmica, coreodance kids, cerámica, kickboxing e, como novidades, volei, deportes de raqueta, fútbol sala iniciación e debuxo e pintura.
As nenas e nenos terán que aboar 20 euros ao mes en caso de inscribirse nunha soa actividade e 25 euros ao mes se acoden a dúas ou máis actividades. O Concello de Foz dispón de bonificacións para as familias numerosas, pola capacidade económica da unidade familiar ou segundo o número de fillos inscritos que poden chegar ao 100% da cota. As inscricións poden realizarse a través da sede electrónica ou fisicamente no rexistro do Concello. Na páxina web municipal concellodefoz.gal está a disposición o formulario de inscrición e toda a información necesaria.
O concelleiro de Xuventude e Deportes, Ángel Fernández Neira, explica que “o obxectivo do Concello de Foz é axudar ás familias do municipio na conciliación familiar, ofrecendo ás nenas e nenos a través do deporte e das artes plásticas valores tan importantes como o compañeirismo, o traballo en equipo, o respecto ou a creatividade. Hai programas de gran éxito como o patinaxe, sendo a escola máis grande da Mariña e das máis importantes da provincia. Hai múltiples opcións para que os nenos se divirtan e desfruten”.
O alcalde, Fran Cajoto, destaca as novidades, como a escola de debuxo e pintura e tamén o esforzo que fan as asociacións: “os clubs deportivos como os Celtas, Santiago de Foz, Club de Atletismo Ría de Foz, Club Deportivo Foz, Kayak ou Karate promoven programas de éxito en moitos deportes. É de agradecer o traballo e o enorme esforzo que fan, e o Concello colabora con todos eles. As Escolas Deportivas complementan estas actividades, resultando que unha nena ou neno de Foz vai ter un amplo abano de opcións para escoller. Sempre digo que as pícaras e pícaros teñen que probar e quedarse con aquilo que máis lles guste. Dentro da expresión artística tiñamos pendente ofrecer a actividade de debuxo e pintura, que incluímos este ano e que agardo que teña gran éxito”.
O Concello de Foz promove tamén a actividade musical a través da Escola Municipal de Música Arcadio Mon, con máis de douscentos alumnos, e axuda á conciliación a través do programa de madrugadores que promoven as ANPAS dos colexios públicos e cofinancia o Concello.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
