Viveiro, 1 de outubro, 2025. O grupo socialista explica que Superarte foi unha mostra de teatro para persoas con diversidade funcional impulsada polo Concello de Viveiro dende a Concellería de Cultura, dentro do programa “Viveiro inclúe”, e que se celebrou durante seis edicións consecutivas ó longo de seis anos, consolidándose como un proxecto pioneiro en Galicia na promoción da inclusión e da visibilidade das persoas con discapacidade.
Tratábase dun evento singular, xa que cada edición estaba adicada a unha discapacidade ou enfermidade concreta, contando coa colaboracióndas asociacións especializadas correspondentes. Deste xeito, lográbase dar protagonismo e visibilidade ás diferentes realidades das diversidades funcional, ó tempo que se achegaba á sociedade unha visión positiva, integradora e enriquecedora.
Cada edición incluía no só representacións teatrais, senón tamén obradoiros, exposicións e actividadess de sensibilización en colexios e institutos, e outras propostas culturais que contribuían a educar en valores de respecto, igualdade e integración. O impacto de Superarte foi recoñecido tanto no ámbito local como autonómico pero tamén chegou a despuntar no territorio nacional, situando a Viveiro como referente en cultura inclusiva.
“Porén, temos entendido que este ano non se organiza Superarte debido ó cambio de bases da subvención que viña concedendo a Xunta de Galicia. Este ano non a podería pedir o Concello, pero sí entendemos que asociacións que colaboran, si que poderían facelo, e non se falou con elas ata donde nos sabemos. Tanto en 2023 como en 2024, o orzamento do programa ascendeu a 7.780 €, dos cales 2.000 € foron aportado a través de subvención da Xunta de Galicia”.
“Ademáis compre lembrar que a anterior concelleira de cultura Lara Fernández chegou ofrecer á actual Alcaldesa a súa colaboración persoal, de xeito voluntario e desinteresado, para buscar unha solución que fixese posible manter Superarte. Isto demostra que, máis aló das dificultades administrativas, o que se necesita é vontade política e compromiso para non perder un proxecto pioneiro e de alto valor social e cultural”.
E por todo o exposto, é polo que o Grupo Municipal do Grupo Municipal do PSdG-PSOE de Viveiro somete á aprobación polo Pleno deste Concello esta moción, propoñendodo a adopción dos seguintes acordos:
1. Continuar coa celebración de Superarte como mostra de Teatro de persoas con Diversidade Funcional.
2. Buscar fórmulas que garantan a súa continuidade, xa sexa a través dalgunha asociación, doutras líneas de axuda o cunha partida municial.
3. Comprometerse a que non se deixe de facer Superarte únicamente por razóns administrativas ligadas ó cambio de bases da Subvención
Mantemento dos xardins Noriega Varela
No ano 2010, con motivo da conmemoración do bicentenario do afundimento da Fragata Magdalena e do Bergantín Palomo, acontecido o 3 de novembro de 1810 na praia de Covas, o Concello de Viveiro constituíu unha comisión integrada por todos os grupos da Corporación Municipal e distintas asociacións locais e outras Entidades e Administracións. O obxectivo foi programar durante todo aquel ano unha ampla axenda de actos en lembranza dunha efeméride histórica de gran relevancia para a cidade.
Entre as iniciativas desenvolvidas, trasladáronse desde o Parque Pernas Peón dous cañóns, así como un obús de Rovira que se atopaba na rotonda fronte á Oficina de Turismo. A través do obradoiro de carpintería da Deputación de Lugo elaboráronse as correspondentes cureñas de madeira, e por parte do carpinteiro municipal unha tronera, que co tempo foron reparadas en varias ocasións para asegurar a súa conservación e boa visibilidade. Estes elementos convertéronse nun atractivo tanto para turistas como para veciños e veciñas de Viveiro, sendo ademais obxecto de numerosas fotografías.
“Non obstante, dende hai tempo obsérvase un claro abandono no seu mantemento. A cabullería está totalmente desfeita, e xa non se percibe a reprodución fiel do aspecto orixinal que buscaba representar a colocación dun cañón na cuberta dun barco da Armada. Ademais, detéctase un uso inadecuado destes elementos por parte dalgúns nenos, que os empregan como se foran xogos de parque, cando en realidade son vestixios históricos de gran valor simbólico”.
“Hai meses, xa advertimos desta situación aproveitando un rogo sobre os xardíns no Pleno. Incluso o concelleiro Vicente Chao recoñeceu que se tomaría nota para acometer as reparacións correspondentes, mais, ata o momento, non se fixo absolutamente nada, e os cañóns seguen en estado de abandono”.
Por todo isto, o Grupo Municipal Socialista roga ao Goberno Local:
1. Que proceda con urxencia ao mantemento e reparación dos cañóns e do obús, incluíndo as súas cureñas e cabullería.
2. Que se adopten medidas para evitar o uso inadecuado destes elementos como xogos infantís.
3. Que se poña en valor este patrimonio histórico, un dos poucos vestixios materiais que conserva Viveiro da súa historia marítima, e que foi recoñecido por diferentes estudiosos sobre a materia.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
