A moción será obxecto de debate e votación este luns na Comisión de Transición Ecolóxica da Cámara Alta
Lugo, 4 de outubro de 2025. A Comisión de Transición Ecolóxica do Senado convocada para o vindeiro luns, 6 de outubro, ás 16.00 horas, ten previsto o debate e votación dunha moción do Partido Popular para que se acometa a “restauración, consolidación e reapertura” do acceso á emblemática praia de San Bartolo, no municipio mariñán de Barreiros.
Sucesivos derrubes da zona de acantilado contigua a esta praia lucense levaron a que, hai xa máis de 5 anos, se pechasen as escaleiras que servían de acceso peonil ao areal. Desde entón, administración central e local polemizan, por quen é a administración competente para realizar as reparacións, sen ofrecer solucións.
A iniciativa, promovida a instancias do grupo municipal popular e trasladada á Cámara polos senadores José Manuel Balseiro, José Manuel Barreiro e Juan Serrano, demanda que Costas do Estado asuma os traballos precisos dirixidos á retirada de rocas, consolidación do acantilado e, segundo os criterios técnicos competentes, recuperar en condicións de seguridade e normalidade deste acceso.
O seador mariñán José Manuel Balseiro, encargado de defender esta iniciativa, considera acaído formular este debate neste momento, para estudar e executar as obras necesarias e que os accesos á praia de San Bartolo, estean plenamente operativos de cara a semana santa e, en todo caso, antes do vindeiro verán.
“Levamos 5 anos. Entre tirapuxas do Goberno e do Concello, ningún é capaz de ofrecer solucións. E mentres, vemos como os acantilados se deterioran, incluso xerando situacións de risco, como as que tiveron lugar este verán, con novas fosas contiguas ás escaleiras. Creo que é tempo de que se poñan as pilas, actúen sobre o terreo e teñan máis respecto e coidado cun dos principais atractivos turísticos de Barreiros, como son as súas praias”-explica Balseiro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
