Os populares reclaman que se convoque de inmediato a comisión de seguimento, despois de varios meses sen noticias dende que se publicou a licitación
Foz, 9 de outubro de 2025. O Partido Popular de Foz acusa ao alcalde, Cajoto, de falta de transparencia e desinformación no proceso de licitación do ciclo da auga. O voceiro popular, Javier Castiñeira, reclama que se convoque de inmediato a comisión de seguimento, despois de varios meses sen noticias dende que se publicou a licitación.
Castiñeira lembra que “o Partido Popular leva tempo pedindo información sobre o estado do concurso, pero o alcalde non nos informou de absolutamente nada”. Engade que “esa comisión de seguimento foi comprometida polo propio goberno local e, a día de hoxe, segue sen convocarse, o que demostra unha total falta de vontade de transparencia”.
Desde o PP de Foz consideran especialmente grave esta falta de información nun momento no que a veciñanza está moi molesta polos recibos da auga, despois da suba de tarifas aprobada por PSOE e BNG ao inicio da lexislatura. “A xente está moi cabreada, e con razón, porque as facturas son cada vez máis altas e non ven melloras no servizo”, engade Castiñeira.
Os populares insisten en que o alcalde debe dar explicacións claras e inmediatas sobre o proceso e garantir que todos os grupos municipais poidan facer un seguimento real da contratación. “Queremos evitar que pase como noutros asuntos, como foi o caso da residencia de maiores, onde o alcalde quixo impoñer decisións sen información previa nin diálogo”, conclúe o voceiro popular.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
