O acto celebrarase o 5 de novembro, coincidindo co 41 aniversario do inicio das clases na Facultade de Veterinaria, un proxecto decisivo ao que Cacharro dedicou unha atención especial dentro do seu obxectivo de consolidar o noso Campus Universitario como motor do concello e da provincia
Lugo, xoves 16 de outubro de 2025. O Partido Popular de Lugo celebrará o vindeiro mércores, 5 de novembro, un acto de lembranza a Francisco Cacharro Pardo, coincidindo co décimo aniversario do seu pasamento.
O evento terá lugar ás 19:00 horas no salón de actos da Facultade de Veterinaria, un espazo especialmente simbólico por cumprir ese día 41 anos do inicio das clases nesa Facultade, un proxecto ao que Cacharro dedicou unha atención decisiva dentro do seu obxectivo de consolidar en Lugo un Campus Universitario como motor de progreso para a cidade e a provincia.
A presidenta provincial, Elena Candia, o presidente do PP local, Ramón Carballo, e o presidente do Colectivo Egeria, Xulio Xiz, detallaron en que vai consistir este acto.
Co título “Lembrando a Paco Cacharro”, o acto incluirá catro accións conmemorativas:
A posta en marcha dunha páxina web dedicada á súa figura
A proxección dun vídeo con imaxes e testemuñas
A presentación dun libro de 210 páxinas no que participan preto de medio cento de persoas que tiveron relación con el, tanto do ámbito político como persoal
Unha exposición conmemorativa da que se editará un catálogo para que os asistentes poidan “levar a exposición para a casa”
Estas accións buscan recoñecer a traxectoria e o legado dun político irrepetible, que foi presidente provincial do PP, concelleiro, conselleiro, senador e durante 24 anos presidente da Deputación de Lugo, con resultados que marcaron unha etapa de avance sen precedentes para a provincia.
O acto contará tamén coa intervención musical do Orfeón Lucense, coro oficial da Catedral de Lugo, dirixido por Sara Nebra, quen xa entregara no seu día a insignia de ouro da agrupación a Francisco Cacharro en recoñecemento ao seu apoio á música e á cultura lucense.
ABERTO AO PÚBLICO
O Partido Popular explica que este evento está aberto ao público, e convida a todos os lucenses a participar nesta homenaxe a quen, durante case un cuarto de século, fixo progresar Lugo desde a presidencia da Deputación Provincial, deixando unha pegada fonda e duradeira na historia da cidade e da provincia.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
