O Burela FS reaccionou a un 0-2 en contra fronte a Inagroup El Ejido Futsal para sentenciar o 2-2 a tan só 1 décima do final
Burela, 3 de novembro, 2025. Izan conseguiu o empate para o Burela FS nesta xornada 6 anotando o 2-2 no último suspiro. Restaba tan só 1 décima e coa bancada empuxando, o ataque de cinco laranxa atopou a súa recompensa para estalido de Vista Alegre.
Souberon conter aos de Guillermo Martínez os mariñáns na primeira parte, con dobre ocasión de Beto no minuto 5 nunha excelente intervención de Starna. O meta laranxa evitou coa cara un potente disparo de Adri Mora e volveu manter o marcador inalterable rozando o ecuador da primeira parte. Os de Rial aguantaron a presión visitante. Vacas rozou o pau no 16 e a punto estivo de sorprender. Izan freou o atrevemento de Jesús despois dunha saída de Starna (minuto 17). Por parte dos locais, un dos maiores perigos puxérono Izan e Pitero nas últimas acción antes do descanso.
Na segunda parte, o Burela FS dispuxo de máis ocasións pero chegou o xerro de auga fría. A expulsión de Jason tras a segunda amarela propiciou o 0-1 para El Ejido ao bordo da medianía da segunda parte, nas zapatillas de Rosa. Volveu a contenda para equilibrarse sobre a pista para recuperar os laranxas o dominio e as ocasións. Con todo, de novo aproveitou El Ejido con Pope para ampliar distancias, no 34. A resposta local foi a saída de Alberto como porteiro-xogador e resultou; Izan reduciu distancias no 36. Tiveron os de Guillermo Martínez un par de ocasións a porta baleira pero o empeño laranxa non cesou. Tentárono os de Rial ata a extenuación para estalido da Bomboneira.
David Rial, en rolda de prensa:
“Foi un encontro parello con poucas ocasións de dous moi bos equipos. Na segunda parte evidentemente a expulsión de Jason condiciónanos. Co segundo tivemos o peor momento, pero o equipo soubo refacerse. Soubemos atacar unha defensa diferente. Estou contento coa reacción do equipo pero hai que corrixir certos detalles e hai que ter en conta que era o líder da competición”.
“É un punto moi importante. Tivemos unha semana mala despois de Eivissa e de Lugo. Hoxe era importante reencontrar a competitividade contra un moi equipo e evidentemente hai que engadirlle o sumar, remontando un 0-2”.
“Izán está a moitísimo nivel, é novo e ten que madurar en certos aspectos; o outro día expulsárono en Lugo por unha acción que debería controlar. Con todo, está nun proceso de crecemento moi importante, está nunha liña ascendente -como o resto do equipo- e estou contento con rendemento”.
Ficha Técnica Burela FS 2-2 Inagroup El Ejido Futsal
Burela FS (2): Starna; Izan, Jason, Charly, Pitero -quinteto inicial-, Alberto, Alán, Meira, Marquinho.
Inagroup El Ejido Futsal (2): Jesús, Josete, Vacas, Cristian Rubio, Adri Blat -quinteto inicial-, Dela, Pope, Beto, Rosa, Adri Mora, Nacho Gil.
Goles: 0-1, min. 29: Rosa. 0-2, min. 34: Pope. 1-2, min. 36: Izan. 2-2, min. 40: Izan.
Árbitros: Ander Garrido // Eduardo Sierra // Iria de Luis // María López. Por parte de Burela FS foron amoestados con amarela Izan (minuto 1), David Rial (minuto 16), Jason (minuto 21 e 29), Walter (39), Alán (39). Por parte de El Ejido recibiu amarela Pope (minuto 8), Beto (minuto 39)
Incidencias: Partido correspondente á xornada 6 de Segunda División Masculina disputado no pavillón Vista Alegre. Desde o CD Burela FS, a tesoureira, Yolanda Álvarez, agradeceu o apoio do patrocinador Reyco co obsequio dunha camiseta ao seu xerente, Iván Marrube, lucindo o 8, dorsal que defendeu nas filas laranxas o seu irmán, Juanma Marrube, o Mariskal.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
