Os populares tamén lembraron a reivindicación dun segundo acceso a Ribadeo dende a A-8 e ao acceso dende a estrada de Vilela á variante; ademais da “reclamación conxunta” dos alcaldes de Ribadeo e Castropol sobre a iluminación dos accesos da A-8 ás dúas localidades
Ribadeo, 4 de novembro de 2025. O PP condena que “unha vez máis o PSOE en Madrid contradiga ao PSOE lucense e, neste caso, ao PSOE de Ribadeo” en relación á demanda unánime da corporación municipal de reclamar ao Goberno de Sánchez a reparación e o mantemento da Ponte dos Santos.
Os senadores do PP lucense -José Manuel Balseiro, José Manuel Barreiro e Juan Serrano- fixéronse eco, a petición do alcalde de Ribadeo, Dani Vega, do acordo unánime de tódalas forzas políticas do Concello e preguntaron ao Goberno de Sánchez tanto polo estado de conservación da varanda, da malla de protección e do asfaltado da ponte. E “vemos que, unha vez máis, nos enganou porque o mantemento é ningún”, segundo manifestan os populares.
O senador mariñán explica que o Goberno de Sánchez en resposta oficial asegura que se fai o mantemento periodicamente e que se actuou no firme en xullo deste ano entre Barres e Ribadeo, pero todo o mundo pode comprobar a situación”: a varanda abandonada, a malla descoidada e o pavimento nun estado mellorable.
Balseiro sinala que “nos gustaría saber que opinan disto o BNG e o PSOE de Ribadeo. O PSOE en Ribadeo opina unha cousa e no Goberno de España opinan todo o contrario”.
O alcalde sinala que a reclamación de tódolos grupos municipais ao Goberno do Estado “é clara”: investir na conservación da Ponte dos Santos (na varanda, nos sistemas de protección e no pavimento da vía) e tamén no segundo acceso a Ribadeo dende a A-8 e ao acceso dende a estrada de Vilela á variante.
Estas peticións xa foron trasladadas polo alcalde ao Delegado do Goberno en Galicia fai poucos días cando visitaba Ribadeo. E, recentemente, “conxuntamente” co alcalde de Castropol reclamaba tamén a iluminación dos accesos da A-8 ás dúas localidades.
Vega reclama “investimentos para mellorar as infraestruturas de Rbiadeo que son fundamentais para que o municipio e toda a contorna sigan avanzando”.
A PONTE DOS SANTOS, A A-8 E O CAMIÑO NORTE
A Ponte dos Santos é unha importante infraestrutura inaugurada no ano 1987 sobre a ría de Ribadeo que actúa como fronteira entre Galicia (Ribadeo) e Asturias (Castropol). Dende a súa ampliación no 2008, o viaduto permite o paso de vehículos pola autovía do Cantábrico; pero tamén dispón dun espazo de tránsito peonil e ciclista que permite o contacto social continuo entre Ribadeo e Castropol, ademais de dar continuidade á ruta do Camiño Norte.
O alcalde popular sinala que “a pesar de que pola marxe da ponte pasa o Camiño Norte, está sen acondicionar; tendo que ser, moitas veces, o Concello o que desbroce para habilitar o paso dos peregrinos”. Nese sentido, advirte que “ao Goberno central non lle importa nada a promoción do turismo e do Camiño de Santiago que é tan importante para Galicia”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
