Ribadeo, 5 de novembro de 2025. Ribadeo mellorou o equipamento da escola infantil. O investimento ascendeu a 20.000 euros.
O alcalde, Dani Vega, explicou que “seguimos xestionando orzamento, seguimos solicitando subvencións á Xunta e vamos pouquiño a pouco atendendo estas necesidades que eran moi importantes, vámolas solucionando. E neste caso trátase do equipamento da escola infantil. Fai poucos días informábamos da axuda para toda a escola infantil e agora concretamos todo o equipamento, concretamente os armarios, que estaban todos apolillados. Desgraciadamente non se podían utilizar, e a iso xa se lle puxo solución, hai novo equipamento, concretamente novos armarios, tamén cadeiras e mesas. Pero pouquiño a pouco vamos seguir nesa inversión que leva facendo a Xunta de Galicia, que xa vai desde o 2024 ata o de agora en 100.000 euros”.
O rexedor subliñou que “neste caso, o equipamento foron 20.000 euros na mellora que fixemos na escola infantil. Pouco a pouco tamén vamos ir solicitando máis axudas, porque estamos vendo que ao mellor fan falta outro tipo de cousas. Hoxe tivemos tamén unha reunión coa dirección, coas traballadores e traballadoras da escola infantil para ver esas necesidades, vamos falar coa Xunta de Galicia e ir poñéndolles solución. Pouco a pouco, como digo, estamos solucionando problemas, tamén traendo e xestionando moita inversión e así Ribadeo é como avanza”.
Ata a escola infantil se desprazaron o alcalde, Dani Vega, e a concelleira de Benestar Social, Elena Sierra.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
