Foz, 14 de novembro, 2025. Nun plenario celebrado este xoves 13 de novembro no salón de actos do Cenima de Foz, desde a Plataforma Queremos Galego da Mariña analizouse o nivel de desenvolvemento do proceso Lingua Vital que se está a realizar por toda Galiza. Ao longo destes dous meses, outubro e novembro, houbo reunións nas distintas comarcas galegas, nas que os diferentes colectivos que se sumaron a dito proceso, fixeron achegas para relanzar a nosa lingua.
De todos e todas é ben sabido que os últimos estudos constataron de xeito ben amargo que o galego vive sumido nunha situación crítica cun futuro ben pouco esperanzador de non tomarmos medidas que corrixan ese devalo cara á súa desaparición.
A plataforma Queremos Galego naceu coa vontade de artellar unha resposta colectiva ampla a prol o galego e para defender o seu uso público, garantido pola actual lexislación; tamén aspira á súa progresiva normalización naqueles espazos onde o idioma de noso non goza aínda da presenza desexada. Desde Queremos Galego aspiramos a recoller e transformar en enerxía a prol da defensa do noso idioma a gran preocupación que a actual política lingüística do goberno galego ten creado en amplos sectores da sociedade, independentemente das súas afiliacións ou simpatías. Para iso temos levado a cabo distintas mobilizacións. Pero, tamén queremos adoptar unha actitude propositiva. E queremos que ditas propostas sexan pensadas tamén desde a comarca mariñá e en clave mariñá.
Ao longo da reunión foron revisados os distintos apartados da enquisa que se está a realizar por toda Galiza, que poden cubrir tanto colectivos como persoas a título individual. Nesa enquisa pódese valorar o grado de desenvolvemento das propostas xa feitas no Plan de Normalización Lingüística aprobado por unanimidade en 2004 no Parlamento Galego. Desde a páxina web de Queremos Galego é posíbel acceder a dita enquisa e cubrila, ben por apartados, segundo o ámbito de acción de cada quen, ben na súa totalidade.
Tamén considerouse recuperar a iniciativa desenvolvida hai anos con actuacións en positivo que permitan recuperarmos o orgullo de usarmos o galego nos distintos ámbitos (laboral, nas relacións coa Administración ou con outros organismos de carácter privado, na vida social, no plano persoal…). Tal e como nos anos de loita antifranquista, en pleno proceso represivo, o galego converteuse nun sinal de identidade colectivo do que nos sentiamos orgullosos e orgullosas e poñiamos en valor loitando polo seu futuro, facendo o esforzo por aprendelo, por usalo e por expandir o seu uso no conxunto da sociedade, tamén agora, en pleno proceso regresivo do seu uso, no que a inercia das novas tecnoloxías e a apatía do goberno galego cara ao seu uso semellan pintar un futuro escuro como o dunha longa noite de pedra, temos que lograr revitalizar a ilusión polo seu uso e difusión.
“Temos por diante enormes retos, de relevo xeracional e de incorporación de poboación inmigrante, que requiren de medidas propositivas. A iso nos imos poñer. Desde a plataforma Queremos Galego da Mariña estamos a deseñar novas actividades encamiñadas a tal fin”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
