Os populares lembran que “o campo de fútbol é única e exclusivamente competencia municipal”
Burela, 14 de novembro de 2025. O PP de Burela lamenta que “a reparación das gradas do campo de fútbol da Marosa, de competencia única e exclusivamente municipal, se prolonguen no tempo”. Trátase dunha “promesa electoral que a señora López Moreno non é capaz de cumprir pola súa incapacidade de xestión. E agora trata de implicar a outras administracións”.
Os populares explican que “as gradas xa foran obxecto de varias licitacións e, incluso, na última delas a empresa adxudicataria chegara a presentar o aval previo á obra; pero debido ao tempo que o Concello tardou en conceder a licenza municipal -durante o que se incrementaron os custes dos materiais- rematou por desistir de facer a obra -incluso non recuperando o aval- porque xa non era economicamente viable na cantidade na que fora adxudicada”. E “agora aseguran que o custe de reparación supera os 600.000 euros, algo que xa se valorara no seu momento”, subliñan.
O portavoz, Manuel Rouco, esíxelle á rexedora socialista que se “deixe de escusas” e que “xa que recentemente dicía que o Concello, supostamente, vai moi ben economicamente -a pesar de que os datos que reflicten os medios de comunicación din o contrario- e dispón de remanente, que explique por que non ten rematada a reparación da grada”.
Os populares sinalan que “xa non é de estrañar o proceder da alcaldesa e do seu goberno” á vista da súa “incapacidade de xestión, como vimos denunciando dende o inicio do mandato”, conclúen.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
