Antonio Ameijide denuncia que esta maneira de gobernar é “a demostración de que o Goberno provincial de PSOE e BNG está esgotado, sen ideas e sen proxecto para Lugo
Venres, 14 de novembro de 2025. O voceiro do Grupo Provincial Popular, Antonio Ameijide, lamenta que o presidente da Deputación, José Tomé, presentase hoxe en rolda de prensa os orzamentos provinciais para 2026 sen entregalos previamente ao Grupo Provincial Popular, algo que cualificou como “unha grave falta de respecto institucional e unha mostra máis da súa falta de transparencia”.
Antonio Ameijide cualifica de “inxustificable” que o presidente da Deputación “presuma de participación e transparencia” pero “non nós entregou nin un só documento dos orzamentos antes de presentalo aos medios”. “Para nós é imposible valorar unhas contas que nin sequera nos entregaron, o que amosa o absoluto desprezo de Tomé polo diálogo”, afirmou.
“Vemos como anuncia 135M€ centrados no seu autobombo persoal e abandonando a máis da metade da provincia que non foi capaz de pisar nos seis anos que leva á fronte da Deputación”, sinalou.
SEN ANUNCIOS NIN COMPROMISOS
O voceiro popular subliña que Tomé “limitouse a repetir exactamente o mesmo que dixo hai dúas semanas no Parlamento de Galicia”, sen aportar novidade algunha sobre as supostas liñas que deberían coordinar a execución dos orzamentos. “Non houbo anuncios, non houbo datos concretos e non houbo explicacións. Foi propaganda persoal”, asegurou.
Ademais, Tomé evitou aclarar — igual que fixo no Parlamento de Galicia — que residencias da rede provincial non abrirán ata finais de 2026 ou comezos de 2027. “Levan anos prometendo a apertura inmediata, pero a realidade é que o goberno de PSOE e BNG é incapaz de poñer en marcha novos centros nin de dar uso ás instalacións xa rematadas”, denunciou.
SEN COMPROMISOS REAIS COAS ESTRADAS PROVINCIAS
Antonio Ameijide tamén afeou a José Tomé que volvese a presumir dun “investimento récord” en estradas provinciais sen anunciar nin unha soa intervención: “fume e máis fume”.
“Fala dunha cifra global que nin sequera corresponde integramente a obras, porque mete no mesmo saco os bolígrafos, os folios e todo o gasto administrativo do servizo de Vías e Obras e sen indicar o investimento real en estradas. É un truco máis para intentar que pareza que están a facer algo cando non son capaces nin de manter o que herdaron”, apuntou.
Antonio Ameijide denuncia que esta maneira de gobernar é “a demostración de que o Goberno provincial de PSOE e BNG está esgotado, sen ideas e sen proxecto para Lugo”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
