Grazas á intervención do PP, garántese por lei manter todas as paradas, rutas, horarios e frecuencias actuais, blindando un servizo de mobilidade ”esencial para a provincia e para a vertebración de Galicia”, segundo destacou o deputado Francisco Conde
Lugo, 15 de novembro de 2025. O Partido Popular da provincia de Lugo celebrou unha rolda de prensa na que participaron a presidenta provincial, Elena Candia, e os deputados nacionais -Francisco Conde, Jaime De Olano e Cristina Abades- e na que denunciaron o intento do Goberno de Sánchez e dos seus socios de suprimir paradas, recortar frecuencias e modificar horarios das liñas de autobús estatal en numerosos municipios do rural galego.
A presidenta provincial Elena Candia afirmou que “debido ao traballo do Partido Popular, Galicia e, en particular, a provincia de Lugo manteñen un servizo esencial de transporte no rural. Mentres o Goberno tenta recortar paradas e frear a mobilidade das familias, o PP defende aos veciños e garántelles que teñan unhas conexións seguras e estables”.
Grazas á intervención do PP, garántese por lei manter todas as pardas, rutas, horarios e frecuencias actuais, blindando un servizo de mobilidade “esencial para a provincia e para a vertebración de Galicia”, segundo destacou o deputado Francisco Conde.
No caso de Lugo, dez concellos veríanse afectados: Baralla, Chantada, O Corgo Guitiriz, Meira, Monterroso, As Nogais, Palas de Rei, A Pontenova e Quiroga, onde viven preto de 35.000 veciños e veciñas e que contan cuns 3.600 usuarios habituais. O intento de eliminación destas paradas supoñía un recorte directo ao rural, un novo fracaso do ministro Puente.
Conde recalcou que a emenda á Lei de Mobilidade Sostible é “un compromiso para protexer os servizos de transporte no rural e garantir a igualdade de oportunidades entre territorios”, devolvendo seguridade e continuidade a un servizo esencial para milleiros de galegos.
Os deputados populares subliñaron que “o PSOE de Pedro Sánchez maltrata a Galicia. Os socialistas galegos, cando teñen que elixir entre Galicia e Pedro Sánchez, sempre elixen Pedro Sánchez. E o mesmo sucede cos seus colaboradores no maltrato a Galicia, como o BNG, incapaces de apoiar emendas tan esenciais como a do Partido Popular que garante as paradas, horarios, frecuencias e transporte de viaxeiros en autobús. Afortunadamente, o PP conseguiu articular a maioría suficiente para que estas emendas se introduzan na lei, e os usuarios do transporte en Galicia respiremos un pouco máis tranquilos”.
SEGUNDO LOGRO DO PP NA MESMA LEI: RETORNO DAS INDEMNIZACIÓNS DO AVE
Ademais, o deputado Francisco Conde anunciou que o PP conseguiu introducir outra mellora clave na Lei de Mobilidade Sostible: o restablecemento dos compromisos de puntualidade e indemnizacións de Renfe eliminados polo Goberno en 2024.
Deste modo, a partir do 1 de xaneiro de 2026, os cidadáns volverán a beneficiarse das devolucións por atraso: 50% do importe do billete en retrasos de 15 minutos e 100% do importe en retrasos de 30 minutos.
Conde explicou que “isto obriga ao Goberno e a Renfe a asumir a súa responsabilidade e devolver aos usuarios as garantías que nunca deberan perder”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
