Viveiro, 15 de novembro, 2025. O grupo municipal socialista de Viveiro sae ao paso das declaracións realizadas pola alcaldesa, Mariña Gueimunde, nas que asegura que o Concello destinará “máis de 325.000 €” ás subvencións nominativas de 2025.
“Esta cifra non se axusta á realidade. Segundo os anexos oficiais de subvencións nominativas dos orzamentos municipais de 2025, as axudas totais ascenden a 221.700 €, unha cantidade inferior en 9.150 € respecto ás de 2024 (extrapolando só as correspondentes a ese exercicio, xa que no anexo de 2024 figuraban conxuntamente as de 2023)”.
“Polo tanto, a suma total das achegas concedidas ás entidades culturais, deportivas, sociais e comerciais non supera os 221.700 €, moi por debaixo dos 325.000 € anunciados pola rexedora, dende fai varias semanas asinado e anunciando os convenios cos clubes”.
O cadro comparativo elaborado polo grupo socialista “evidencia numerosos recortes respecto ao exercicio anterior”:
Redúcense as contías para entidades culturais como Bagoas da Terra (-3.000 €) ou Asociación Proa (-500 €).
O Club de Remo de Celeiro perde 2.500 €, e desaparecen por completo as axudas para clubs como, Cabaleiros do Landro ou Celeiro Clube do Mar de Fútbol.
Tamén se eliminan as achegas destinadas aos clubs de buceo, pádel e bádminton, así como ás persoas deportistas que participan en competicións de rallies.
Auméntase en 1.000 € a achega ao Seminario de Estudos Terra de Viveiro e 2.000 € ao Viveiro C.F.
Inclúense 20.000 € para as Festas do Naseiro, xa que a axuda correspondente a 2024 non puido incorporarse ao orzamento aprobado con anterioridade, quedando consignada antes da moción de censura.
“Resulta, polo tanto, incomprensible que o goberno local fale de reforzar o apoio ás entidades, cando os datos oficiais amosan o contrario: menos axudas e menor dotación económica que en 2024”.
Desde o PSOE de Viveiro “esiximos transparencia e rigor na comunicación institucional, así como responsabilidade política por parte do goberno local, que debe deixar de manipular as cifras e ofrecer á cidadanía información veraz sobre o destino dos fondos públicos.
O noso grupo continuará fiscalizando a acción do executivo e defendendo un modelo de apoio real, transparente e equitativo ás entidades que manteñen viva a actividade social, cultural e deportiva do noso concello”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
