O Concello impulsa unha campaña de sensibilización para fomentar a reciclaxe e a correcta xestión dos residuos entre o alumnado de infantil e primaria
Vilalba, 21 de novembro de 2025. O Concello de Vilalba, a través da Alcaldía e da Concellería de Medio Ambiente, súmase á Semana Europea da Prevención de Residuos, que se celebra entre os días 24 e 30 de novembro.
Faino poñendo o foco na participación e formación dos máis pequenos. Ao longo da vindeira semana desenvolveranse obradoiros de reciclaxe e xestión de residuos nos centros de educación infantil e primaria do municipio.
A alcaldesa de Vilalba, Marta Rouco, destacou que “os nenos e nenas teñen un papel fundamental como axentes de cambio, porque todo o que aprenden nas aulas lévano ás súas casas, favorecendo que tamén as familias adopten hábitos de consumo e reciclaxe máis responsables”.
Rouco engadiu ademais que “é clave trasladarlles desde idades temperás a importancia de reducir, reutilizar e reciclar para avanzar nun modelo de convivencia máis sostible”.
Os obradoiros comezarán o vindeiro luns, 24 de novembro, ás 10:00 horas no CEIP Terra Chá de Román, para continuar ás 12:30 horas no CEIP Monseivane de Lanzós. O martes 25 ás 10:00 horas, será a quenda do alumnado do CEIP Insua Bermúdez e finalmente, o mércores 26 ás 9:30 horas rematará o ciclo de obradoiros no CEIP Mato Vizoso.
A Semana Europea da Prevención de Residuos é unha iniciativa apoiada pola Comisión Europea, que ten como obxectivo promover accións concretas para concienciar sobre a necesidade de reducir a xeración de refugallos, cambiar hábitos de consumo e diminuír o impacto ambiental.
Con esta iniciativa o Concello de Vilalba pretende, entre outros obxectivos: achegar a política europea de residuos de maneira sinxela e pedagóxica, fomentar que os nenos e nenas actúen como transmisores de actitudes positivas no seu entorno e avanzar colectivamente cara a unha cultura de consumo máis responsable e sostible.
O Concello agradece a colaboración dos centros educativos e anima á cidadanía a sumarse tamén a esta semana de reflexión e acción a favor do medio ambiente.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
