Os concelleiros populares sinalan tamén que a semana pasada o problema tamén afectou aos veciños de San Pedro de Benquerencia: “Cómpre garantir a salubridade do subministro en todo o municipio”
Barreiros, 22 de novembro de 2025. Os concelleiros do Grupo Municipal do PP de Barreiros fanse eco das numerosas queixas recibidas nos últimos días polo estado no que sae a auga pola billa, “totalmente turbia e cun aspecto totalmente insalubre”, principalmente na parroquia de San Miguel.
O voceiro municipal popular, José Manuel Gómez Puente, explica que foron moitos os veciños desta parroquia os que se puxeron en contacto co Grupo Popular para denunciar o estado no que sae a auga da traída municipal polas billas das casas, queixas que se produciron despois de moitos días acumulados nos que a auga xa estivo a saír sucia, o que supón xa varias xornadas consecutivas con este problema. “A situación xerou preocupación entre a veciñanza, que non ten ningún tipo de información por parte do goberno local do BNG”, criticou.
Este problema de turbidez da auga afecta de maneira especial á parroquia de San Miguel, aínda que a semana pasada tamén houbo incidencias similares na parroquia de San Pedro de Benquerencia.
Os concelleiros populares esixen á alcaldesa, Ana Ermida, que explique publicamente a orixe do problema, que fixeron dende o goberno local para dar unha solución ao mesmo, así como os pasos que deben seguir todos os veciños ante esta situación. “Garantir a seguridade e salubridade da auga é prioritario agora mesmo, a alcaldesa non se pode agochar”, afirmou.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
