Eugenia Requeijo aclara que non ten “nada que ver” despois de que o rexedor nacionalista a acusara de acudir a un municipio gobernado polo PP para por en marcha os cargadoiros
Muras, 24 de novembro de 2025. O Partido Popular de Muras pide ao alcalde nacionalista unha rectificación pública por verter acusacións sobre a portavoz popular, Eugenia Requeijo, que non son certas.
O alcalde de Muras, nunha entrevista recente, aseguraba que a portavoz do Partido Popular no municipio “boicotea a Marca Muras acudindo a Abadín onde goberna o PP para por en marcha medidas coma as nosas (os cargadoiros)”; pero “non é verdade”, segundo aclara Eugenia Requeijo.
Os populares cren que “o alcalde debe dedicarse a gobernar o Concello atendendo ás necesidades dos veciños e veciñas en lugar de intentar desprestixiar á oposición con cousas que, ademais, son mentira”.
Eugenia Requeijo aclara que “non teño nada que ver con ningún deses proxectos” aínda que “merecen todo o meu respecto e, tanto persoal como politicamente, apoiarei todas as medidas que poñan en valor o noso rural e o sector agrogandeiro”.
A popular aproveita para recordarlle ao alcalde do BNG que “os cargadoiros de poldros en Muras levan tempo en marcha da man dos propios gandeiros e gandeiras que xestionan, como parte da súa actividade, a venda e traslado de animais dentro das esixencias sanitarias que marcan as autoridades”.
Nese sentido, convídao a recoñecer o labor dos gandeiros e gandeiras que é “imprescindible para continuar mantendo vivo o noso municipio”; ademais de rectificar sobre “acusacións totalmente fóra de lugar que só pretenden intentar desprestixiar á portavoz do PP para desviar a atención da súa falta de traballo”.
Eugenia Requeijo afea a “estratexia política do alcalde” que “máis que facer e traballar en beneficio dos veciños e veciñas parece que se centra en intentar que se fale mal do Partido Popular, aínda que sexa con cousas que son mentira, para ter a quen botar a culpa das cousas que son consecuencia da súa propia falta de diálogo”, conclúe.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
