Ribadeo, 24 de novembro de 2025. Ribadeo prepara unha ordenanza para regular o estacionamento das caravanas no concello.
O alcalde, Dani Vega, dixo que “dende o Concello estamos a traballar nunha nova ordenanza para caravanas. Queremos presentar un borrador ao sector, pactar co sector unha ordenanza para que así convivamos todos, unha ordenanza que o que quere é regular, mellorar e evidentemente seguir traballando por ese turismo de calidade”.
O rexedor considera que “temos que reflexionar que queremos no futuro. Non podemos permitir aparcar en espazos naturais e miradoiros, non podemos tampouco permitir que se estea aparcando en aparcadoiros para vehículos e que encontremos caravanas que teñen establecida unha vivenda. Non se pode facer todo de calquera xeito o tampouco podemos permitir todo, porque senón non camiñariamos nese turismo de calidade que sempre estamos a repetir”.
Vega manifestou que “unha ordenanza é a que regula, unha ordenanza é a que establece unha normativa e evidentemente pactada co sector e reflexionada por todos. Trátase dun paso máis que queremos dar desde o Concello para seguir apostando por ese turismo de calidade. Evidentemente, esta ordenanza xa tiña que estar hai moitos anos, moitos Concellos xa estableceron unha ordenanza, unha normativa para as caravanas. Creo que Ribadeo xa a debera ter. Pero nosoutros neses dous aniños que levamos o que estamos é poñendo moitas medidas, moitas ordenanzas, renovalas, reflexionalas, evidentemente, para traballar nese turismo de calidade”.
O alcalde subliñou que “é unha proposta que nace do Concello, pero tamén nace do propio sector que nos di que non permitamos facer todo. E aí doulles completamente a razón. Querer turismo non é permitir facer de todo. Querer turismo é ter unha ordenanza, ter unha normativa e así que Ribadeo evidentemente siga traballando nese turismo de calidade e así Ribadeo avanza”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
