A Comisión Executiva abordou as prioridades marcadas no Comité Provincial, a preocupación polo SAF trasladada na Executiva Nacional e a situación de Sargadelos como exemplo da ausencia de política industrial da Xunta
Lugo, 3 de decembro de 2025. O Secretario Xeral do PSdeG na provincia de Lugo, José Tomé Roca, presidiu este martes unha nova reunión da Comisión Executiva Provincial, celebrada na sede do partido en Lugo, na que a dirección socialista definiu as prioridades inmediatas do partido tras o Comité Provincial do pasado sábado.
Avaliación política do Comité Provincial
A Executiva fixo unha valoración dos principais asuntos tratados no Comité Provincial, que puxo fin ao proceso congresual e abriu un novo tempo político no que o PSdeG de Lugo impulsará o reforzo territorial, a acción municipal e a defensa dos servizos públicos.
Tomé salientou que “o PSdeG de Lugo inicia unha nova etapa na que a prioridade é planificar, fortalecer o traballo nas comarcas e avanzar na coordinación municipal de cara ao novo ciclo político”.
A dirección provincial destacou tamén o avance dos encontros comarcais -A Mariña, Terra Chá, Suroeste, Lugo e Lemos- e confirmou que se completará o calendario pendente con Sarria e a Montaña nas vindeiras semanas.
SAF: alerta sobre a situación dos concellos e prioridade no debate político
No encontro, Tomé informou á Executiva Provincial dos principais asuntos abordados na Comisión Executiva Nacional Galega celebrada o luns en Santiago, cun foco especial na crítica situación do Servizo de Axuda no Fogar (SAF), que está a tensionar aos concellos pola falta de financiamento e polo traspaso encuberto de competencias da Xunta.
O líder provincial compartiu a preocupación manifestada polo Secretario Xeral do PSdeG, José Ramón Gómez Besteiro, quen advertiu de que “os concellos están ao límite: ou Rueda paga o que debe ou terá que explicalo ante a Xustiza”.
Tomé informou da convocatoria do Consello de Alcaldes e Alcaldesas, previsto antes de final de ano, no que este asunto se tratará como prioridade para “protexer os servizos públicos e o benestar da cidadanía”.
Tomé subliñou que “o PSdeG estará ao lado dos concellos, porque o que está en risco é a atención ás persoas dependentes e a capacidade dos municipios para manter un servizo esencial”.
Sargadelos: A Mariña como exemplo da ausencia dunha política industrial da Xunta
A Executiva abordou tamén a gravísima situación vivida en Sargadelos, onde durante varios días o persoal acudiu ao seu posto de traballo e atopou a fábrica pechada, sen explicacións nin garantías. Tomé trasladou que “o acontecido en Sargadelos é unha mostra máis da ausencia total dunha política industrial seria para a Mariña”, lembrando que a comarca acumula anos de incerteza con casos como o de Alcoa.
Os socialistas coincidiron en que “non é aceptable que a Xunta mire cara outro lado mentres se poñen en risco empregos, dereitos laborais e un patrimonio industrial e cultural esencial para Lugo”.
O PSdeG-PSOE reiterou o seu apoio absoluto ás traballadoras e traballadores de Sargadelos e insistiu en que a reapertura anunciada pola empresa “non resolve o sucedido nin garante estabilidade futura”, mentres o persoal segue sen explicación oficial e sen certezas sobre o seu futuro.
Tomé pechou o encontro cunha mensaxe de unidade e impulso, subliñando que “chegamos ao final do ano cun partido forte, coordinado e centrado na defensa dos dereitos da xente. En 2026 imos seguir centrados no traballo municipal e no contacto directo co territorio, porque Lugo merece moito máis do que está a recibir da Xunta de Galicia”.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
