Daniel Castro lembra que levan 25 anos de atrasos, só 15 km construídos e unha media ridícula de 650 metros anuais
Santiago de Compostela, 3 de decembro de 2025. O deputado mariñán do Bloque Nacionalista Galego, Daniel Castro, denunciou o continuo incumprimento do Partido Popular coa Vía de Alta Capacidade Costa Norte, unha infraestrutura clave para a conexión e o desenvolvemento da Mariña, Ferrolterra e o Ortegal.
Castro recordou que, 25 anos despois do seu anuncio, só se construíron 15 dos 110 quilómetros previstos, cun ritmo “vergoñento” de apenas 650 metros ao ano. “A este paso, A Mariña tardará 165 anos en vela rematada”, afirmou. O parlamentario destacou a sucesión de promesas incumpridas desde o goberno de Fraga (2001), pasando por Agustín Hernández (2011) e Feijóo (2010), que falaron de porcentaxes de execución que nunca se acadaron.
Ademais, Castro cargou contra a actitude do PP no pleno municipal de Viveiro, onde apoiou unha moción presentada polo BNG a favor da variante local e, non obstante, votou en contra da mesma iniciativa no Parlamento. “Asinaron un acordo para facer a variante e logo poñen nos orzamentos que non a van facer. O único que lles importa é a alcaldía, non as necesidades da xente”, denunciou.
O deputado nacionalista insistiu en que a falta desta infraestrutura condena ao norte de Galiza ao atraso, dificulta a implantación industrial e perpetúa unha “Galiza a dúas velocidades”. “Pídolles que ordenen e cumpran xa. Deixen de fomentar a desconexión dun país que ten moito potencial”, reclamou.
A intervención de Castro puxo en evidencia, unha vez máis, a fractura entre os compromisos políticos e a realidade dunha obra esencia para a vertebración territorial, mentres a cidadanía da Mariña segue a agardar.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
