A Asociación de Hostalería de Burela, en colaboración coa Organización de Produtores Pesqueiros do Porto de Burela, organiza as xornadas gastronómicas “Ponte de Peixe Espada” durante a ponte de decembro
Burela, 4 de decembro, 2025. Nove locais hostaleiros de Burela celebran esta fin de semana as xornadas gastronómicas do Peixe Espada, nas que se poderán degustar diferentes pratos do peixe máis representativo da frota de palangre de superficie local, que os pesca peza a peza con anzol en augas internacionais e europeas do Atlántico durante todo o ano.
A hostalería de Burela segue potenciando así a súa oferta gastronómica durante as pontes festivas de outubro e decembro, xa que na pasada ponte do Pilar celebrouse a “Ponte de Merluza D& Burela”.
Desde a Asociación de Hostalería de Burela agradecen á OPP Porto de Burela “este tipo de sinerxias que está a facer co noso sector; desde as cociñas da AHB tamén queremos fomentar e potenciar o consumo de peixe de verdade e de calidade”.
Esta campaña realízase en colaboración coa Organización de Produtores Pesqueiros do Porto de Burela, dentro do seu plan de produción e comercialización anual, cofinanciada por Xunta de Galicia e FEMPA, co obxectivo de contribuír á trazabilidade dos produtos da pesca e ao acceso dos consumidores a información clara e completa.
Desde OPP Burela seguen promocionando así o consumo de peixe como base dunha vida saudable, ademais de poñer en valor as principais especies das súas frotas. O pasado mes de maio, durante a feira Expomar e en colaboración coa interprofesional pesqueira Interfish, xa se celebrou un espectacular ronqueo de peixe espada para dar a coñecer esta pesquería, que, xunto á quenlla, son as dúas especies de maior importancia en volume de capturas e facturación despois da pescada do pincho.
O peixe espada é un peixe azul cunha carne moi saborosa e dunha textura ideal, cun sabor suave e sen espiñas, polo que é idóneo para que o consuman todo tipo de persoas.
Do venres 5 ao luns 8 de decembro poderán degustarse os seguintes pratos de peixe espada en Burela: A Lonxa: Albóndegas de peixe espada en salsa de tomate con albáfega fresca e patacas palla. A’Mares: Mini hamburguesa de peixe espada con pulpa de aguacate e cebola morada. Contraste: Crepe de peixe espada con crema de marisco. La Cocina de la Yaya: Ceviche de peixe espada con crocante de verduriñas e leite de tigre. L’Urbana: Peixe espada crocante con alioli de lima. Rompeolas: Cachopo de peixe espada. Salitre: Raxo de peixe espada. Sargo: Salpicón de peixe espada. Venetus: Peixe espada en salsa mariñeira.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
