A reunión dos órganos reitor e consultivo tivo lugar esta mañá no Pazo de San Marcos e serviu tamén para aprobar a programación de actividades do 2026
A Reserva da Biosfera de Terras do Miño, que xestiona a Deputación de Lugo, incorpora oito novo membros no seu órgano de participación: a asociación Arboretum Pinetum Lucus Augusti (de Outeiro de Rei); asociación O Cadaval de Pacios (Castro de Rei); asociación Amigos do Museo de Pepe de Pígara (Guitiriz); Club Os Troiteiros (Lugo); asociación veciñal de Laxosa “Airamonte” (O Corgo); asociación para o Desenvolvemento Rural da Comarca de Lugo (Friol, Rábade, Outeiro de Rei, O Corgo, Castroverde, Guntín e Lugo); asociación veciñal da Ribeira do Lea (Castro de Rei) e Club Amigos do Río Parga (Guitiriz). Así o acordou o órgano reitor do territorio na reunión celebrada esta mañá no Salón de Actos do Pazo de San Marcos.
Son colectivos do máis diverso, algúns centrados na conservación das especies en perigo de extinción; outros na organización de actividades culturais que poñan en valor o patrimonio; no impulso de actividades deportivas como a pesca ou o coidado dos ríos; no desenvolvemento económico e social do territorio; no fomento do asociacionismo; ou na conservación do patrimonio etnográfico. Coas entidades que se incorporaron hoxe, son xa 74 os membros que conforman o consello consultivo desta reserva ademais dos 26 concellos que a conforman e os tres grupos políticos con representación na institución provincial.
Na reunión celebrada hoxe aprobouse tamén a proposta de programación de actividades para todos os públicos para a anualidade 2026 e, entre as que se inclúen 27 ofertadas aos municipios que conforman a Reserva. Talleres de plantas medicinais, arte floral, preservación de alimentos, reciclaxe, enxertos, micoloxía ou técnicas de cultivos; xornadas ambientais; ou xogos de Nadal. Finalmente, nas reunións dos órganos reitor e participativo tamén se presentou a memoria das actividades realizadas este ano, 2025 e as actuacións estratéxicas da Reserva que vertebrarán o 2026.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
