O 18 de decembro de hai un ano, Viveiro foi testemuña dunha das mostras máis crueis da violencia machista. A nosa veciña Rejane foi asasinada pola súa parella. O seu asasinato non só nos deixou unha dor profunda, senón que tamén nos obrigou a reflexionar sobre a persistente lacra da violencia machista, que continúa a ser un problema estrutural na nosa sociedade.
Rejane, unha muller que viñera de Brasil para construír en Viveiro a súa vida, onde estaba a piques de converterse en avoa, foi arrebatada á súa familia, ás súas amizades e, sobre todo, á súa propia liberdade. A violencia machista é unha realidade que afecta ás mulleres sen importar a súa orixe, clase social, idade ou raza, pero cébase especialmente con aquelas máis vulnerables. É un problema colectivo que afecta a toda a sociedade, e por iso, a loita contra esta lacra debe ser un compromiso compartido.
Neste sentido, desde o BNG consideramos que, fronte aos recortes na loita contra a violencia machista dun Partido Popular que mantivo no cargo durante meses a un conselleiro denunciado por unha agresión machista, son necesarias por parte de quen representa á institución da Xunta medidas máis exemplares, responsables e contundentes: maior orzamento e máis recursos para garantir a protección das vítimas, pero tamén para crear máis servizos públicos especializados que as acompañen e axuden a romper os círculos de violencia. E, sen lugar a dúbidas, máis feminismo nas políticas públicas, como base para un cambio cultural real, e desde a educación, que promova a igualdade e preveña a violencia desde as súas raíces.
Ademáis, a protección das vítimas non é só responsabilidade das administracións públicas ou das forzas de seguridade, senón de todas as persoas que formamos parte desta sociedade. A violencia machista é un problema colectivo que require dun cambio profundo nas estruturas sociais que permiten que a desigualdade se perpetúe.
A maioría das vítimas non denuncian por medo, desconfianza ou falta de recursos axeitados. Por iso é o noso deber como sociedade falar máis da violencia machista, visibilizala, denunciala, analizar as súas causas e traballar conxuntamente para erradicala.
O asasinato de Rejane lémbranos que non hai desculpas nin motivo que xustifiquen ningunha agresión machista, nin no ámbito privado nin no público. Ningún home debe ter poder sobre a vida dunha muller.
Cada vida é inalienable e debe ser respectada en toda a súa dignidade.
In Memoriam:
Homenaxe a Rejane e a todas as vítimas de violencia machista. O seu recordo é o noso alicerce para continuar loitando con firmeza e contundencia contra a violencia machista, e para que a igualdade sexa unha realidade
Iria Cotelo Cociña.
Portavoz municipal do BNG en Viveiro e Vice-responsábel comarcal do BNG en A Mariña
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
