Ribadeo, 23 de decembro de 2026. Ribadeo aprobou hoxe o orzamento para 2026 que ascende a 12,2 millóns de euros. Foi no pleno extraordinario e urxente celebrado ás 20 horas.
O alcalde, Dani Vega, dixo que “esta tarde noite temos pleno no Concello de Ribadeo. Van varios asuntos na orde do día. O primeiro deles é garantir uns orzamentos para o 2026. Estamos a falar dunha cantidade de 12,2 millóns de euros. Son uns orzamentos continuístas, uns orzamentos que planifican inversión, que garanten todo o funcionamento do Concello e son uns orzamentos que seguramente se incrementan polo nivel de convenios que vamos afirmar no 2026. Partimos deses 12,2 millóns de euros dentro dunha responsabilidade orzamentaria, pero evidentemente uns orzamentos para seguir avanzando”.
Novo centro de saúde
O rexedor indicou: “tamén vamos firmar en breve un convenio coa Xunta de Galicia para entregarlle os terreos para construír o novo centro de saúde, pero primeiro temos que aprobalo en pleno. Temos que aprobar a entrega dos terreos, que xa son titularidade municipal, e agora o que vamos facer é a cesión para o Sergas, é dicir para a Xunta de Galicia. E eles mesmos empezarán a redactar o proxecto, o 26 firmamos o convenio e estamos garantindo unha obra importantísima para o Concello de Ribadeo, que é contar cun novo centro de saúde e con novos servizos sanitarios”.
Cesión do Teatro
Vega contou que “tamén vamos levar un tema importante ao pleno de hoxe, un tema para aforrar, pero tamén con vocación de mellorar. Primeiro, o convenio cunha cesión gratuíta ao Concello de Ribadeo para ter a xestión diaria do Teatro e a Filantrópica o que nos entrega é gratuitamente, durante 25 anos, o Teatro de Ribadeo. Con iso vamos aforrar 700 euros mensuais, pero cunha clara vocación máis ambiciosa, que é xestionar un convenio para o arranxo, dunha vez por todas, do Teatro de Ribadeo. É un traballo ben feito, e quérolle agradecer á Filantrópica Dramática todo o traballo que fixo ata o de agora e durante estes meses, tamén un traballo en conxunto co Concello para que se fixera realidade unha cousa que nosoutros xa falábamos dela na oposición. Agradézolle á directiva da Filantrópica Dramática todo o traballo que está a facer, pero tamén agora vamos empezar un traballo conxunto, un traballo de xestión para, de unha vez por todas, arranxar un edificio emblemático, que está no centro, que é o mellor auditorio, que é o mellor espazo cultural que ten Ribadeo”.
Residencia de maiores
Na sesión plenaria desta tarde: “tamén imos mellorar ese convenio coa Deputación, dado que temos que firmar o convenio 2026-2030 para a xestión diaria da residencia de Ribadeo. É un convenio que vai beneficiar a Ribadeo, vamos ver que nos propón, pero desde logo ese convenio xa vai traer máis recursos ao Concello de Ribadeo, xa que nos vai custar menos e polo tanto agradecer á Deputación toda esa colaboración. E tamén vamos firmar un convenio co Concello de Barreiros para volver realizar os obradoiros de emprego. Aquí presentamos o obradoiro Constrúe en Verde, a segunda fase. E tamén vamos aprobar a comisión de seguimento para as obras da rúa Buenos Aires. Aquí hai un convenio coa Xunta de Galicia en beneficio directo do Concello, xa que arranxa 100% a rúa Buenos Aires, que xa é titularidade de Portos de Galicia da Xunta”.
Dani Vega engadiu: “un pleno cargado de asuntos, un pleno onde abordamos asuntos de interese para Ribadeo, e máis inversión, máis xestión e, en definitiva, un pleno que significa que Ribadeo avanza”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
