Viveiro, 12 de xaneiro, 2026. O IV Concurso de Composición de Marchas Procesionais Blas García Liz, impulsado polo Concello de Viveiro, a Banda de Música O Landro e a Xunta de Cofradías da Semana Santa de Viveiro, vén de pechar o prazo de presentación de obras cun balance histórico que confirma a plena consolidación do certame como unha das grandes referencias estatais da creación musical sacra.
O pasado venres 9 de xaneiro rematou o período de recepción de partituras, acadándose unha cifra récord absoluto en todas as edicións: 29 marchas procesionais presentadas por 19 compositoras e compositores procedentes de once provincias do Estado .Alacante, Cádiz, Castellón, Xaén, Madrid, Málaga, Murcia, Pontevedra, Sevilla, Toledo e Valencia. Uns datos que evidencian non só o alcance nacional do concurso, senón tamén o crecente prestixio artístico que vén adquirindo no ámbito da música procesional.
Este elevado nivel de participación reflicte a confianza dos creadores nun proxecto que aposta pola composición contemporánea de calidade, o rigor artístico e a conexión entre música, tradición e patrimonio. En apenas catro edicións, o Concurso Blas García Liz converteuse nun auténtico motor de creación de novas marchas procesionais, enriquecendo de maneira directa o patrimonio musical ligado á Semana Santa.
O xurado do certame integrado por profesionais de recoñecido prestixio no ámbito da composición, da interpretación e da dirección musical, David Rivas, Fernando Buide e David Fiuza, os cales iniciarán nos vindeiros días o proceso de valoración das obras presentadas. A marcha premiada será comunicada directamente ao autor ou autora por vía telefónica e correo electrónico, e farase pública a finais do mes de xaneiro de 2026 a través das canles oficiais e das redes sociais da organización e estrearase no Programa de difusión Cultural Adral pola Banda de música “O Landro” de Viveiro.
Desde a organización quíxose salientar especialmente o papel decisivo das tres entidades promotoras. O Concello de Viveiro, a Banda de Música O Landro e a Xunta de Cofradías da Semana Santa de Viveiro manteñen unha colaboración estable que permitiu converter este concurso nunha iniciativa estratéxica para a proxección cultural da cidade. Grazas a este traballo conxunto, Viveiro non só acolle un dos certames máis relevantes do panorama estatal, senón que tamén se consolida como un foco activo de creación musical contemporánea vinculada á tradición procesional da cidade.
O concurso supón ademais unha achega directa ao patrimonio cultural inmaterial da Semana Santa de Viveiro, declarada Festa de Interese Turístico Internacional, xerando un legado musical propio que perdurará no tempo e enriquecerá as celebracións futuras. Cada nova marcha que nace ao abeiro deste certame pasa a formar parte do acervo cultural da vila, reforzando a súa identidade e a súa proxección exterior.
A organización quixo finalmente trasladar o seu agradecemento a todos os compositores e compositoras participantes pola calidade das obras presentadas e pola confianza depositada, subliñando que este récord de participación constitúe o mellor indicador do éxito, da credibilidade e da consolidación nacional do Concurso de Composición de Marchas Procesionais Blas García Liz.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
