O xogador madrileño de 33 anos, con experiencia na Primeira División española, reforzará o ataque do conxunto laranxa para o resto do curso
Burela, 16 de xaneiro. Ángel Bingyoba Vuiti, Ángel Bingyoba (Madrid, 15/08/1992), cuarta fichaxe deste inverno do conxunto mariñano liderado por Juanma Marrube, que reforzará a rotación de Pitero, único pívot ata agora do equipo. A súa experiencia e forza serán dúas das facetas que complementarán ao resto da plantilla para loitar pola permanencia esta difícil tempada para o club. Bingyoba da os seus primeiros pasos no futsal na súa cidade natal, pasando polo Cidade de Móstoles FS na tempada 08/09, o Carnicer Torrejón de 2009 a 2013 e polo Segovia Futsal na 13/14. Ficha polo Gran Canaria na 14/15 onde militará ata a 16/17 que pasa formar parte do Jaén Paraíso Interior ata a 20/21 que ingresa no Atlético Mengíbar FS. No 2022 debuta na liga italiana fichando polo Sicurlube Regalbuto e volve a Jaén, esta vez co filial, na 24/25, xogando co primeiro equipo dende febreiro ata final de tempada. Durante o actual curso volve á liga italiana onde formou parte das filas do Futsal Capurso ata agora. No seu palmarés conta cunha Copa de España (2018) co Jaén Paraíso Interior e cun ascenso a Primeira División co Gran Canaria na tempada 15/16.
Ángel chegó a Burela onte, xoves 15, comezando o mesmo día os adestramentos co equipo e estrearase en pista este sábado na Tarde Laranxa en Vista Alegre ante o Leganés. Falamos co xogador sobre a súa entrada no equipo, “impulsoume a vir aquí a ambición que me transmitiron e o xogar nun club histórico do fútbol sala como Burela”. Defínese como “un pívot de referencia, forte, grande e con moita capacidade de loita”. Os seus obxectivos co equipo laranxa, “traballar traballar e traballar e que o traballo nos leve a onde nos merecemos sen poñernos ningún límite”. Finalmente dá unha mensaxe á afección: “xuntos faremos que Burla volva ao lugar que se merece”.
A presentación oficial tivo lugar onte no pavillón Vista Alegre xunto ao directivo do club Luis Guillén.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
