A actuación, solicitada á Deputación pola agrupación local, permitiu corrixir puntos perigosos e mellorar a seguridade viaria no municipio
Riotorto, 4 de febreiro de 2026. O PSdeG de Riotorto pon en valor o remate das obras de mellora da estrada provincial LU-P-5501, unha actuación impulsada pola agrupación socialista de Riotorto e executada grazas á financiación da Deputación de Lugo, que supón un avance significativo para a mobilidade e a seguridade viaria no municipio.
As e os socialistas explican que a intervención, que contou cun investimento de 62.241 euros da Deputación, permitiu actuar sobre varios puntos especialmente problemáticos da vía, corrixindo dúas curvas que presentaban dificultades para a circulación e executando un tramo duns 150 metros destinado a protexer unha saída da estrada.
Dende o PSdeG subliñan que se trata dunha obra “necesaria e moi demandada”, froito da escoita ás necesidades da cidadanía e do traballo constante da agrupación socialista, así como do compromiso da Deputación de Lugo co rural. “Cando hai vontade política e colaboración institucional, os proxectos saen adiante e tradúcense en melloras reais para a xente”, sinalan.
O Secretario Xeral da agrupación socialista de Riotorto, José García, valorou de forma moi positiva o remate das obras e destacou que “esta actuación é un exemplo claro de como o socialismo dá respostas concretas aos problemas da cidadanía”, ao tempo que puxo en valor “a disposición permanente da Deputación de Lugo para atender as demandas dos concellos e mellorar a calidade de vida da veciñanza”. García subliñou ademais que “é unha satisfacción ver feito realidade un proxecto polo que levamos tempo traballando e que responde a unha demanda histórica da veciñanza”.
A formación lembra que os investimentos en estradas provinciais son fundamentais para garantir conexións seguras entre os distintos núcleos de poboación, reforzar a cohesión territorial e combater o illamento do rural, e reiteran que seguirán traballando para que Riotorto conte cos servizos e comunicacións axeitadas.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
