Ribadeo, 6 de febreiro de 2026. A Asociación de Comerciantes, Industriais, Servizos e Autónomos de Ribadeo celebrará o vindeiro 26 de febreiro a súa Asemblea Xeral Ordinaria, tal e como acordou a xunta directiva na súa última reunión, celebrada o pasado mes de xaneiro.
Segundo indicou o xerente de ACISA Ribadeo, Jesús Pérez, “no día de hoxe vimos de notificar aos nosos socios e socias a convocatoria da Asemblea Xeral ordinaria correspondente ao ano 2026. A cita terá lugar no Cine Teatro, de Ribadeo, ás 20:00 horas en primeira convocatoria e ás 20:15 horas en segunda. A orde do día será a seguinte: 1. Lectura e aprobación, se procede, das actas das asembleas anteriores: 18 de febreiro de 2025 (asemblea ordinaria) e 19 de setembro de 2025 (asemblea extraordinaria); 2. Exame e aprobación, se procede, da conta xeral de ingresos e gastos do exercicio 2025; 3. Estado da asociación: análise e valoración das actividades realizadas no ano 2025; 4. Informe e aprobación, se procede, do orzamento ordinario para o ano 2026 e do calendario de actividades; 5. Informe sobre os días festivos e domingos de apertura comercial, así como as ampliacións horarias da hostalería en 2026; 6. Proposta de unificación das aperturas e peches comerciais; 7. Resultados das enquisas aos asociados; e 8. Rogos e preguntas”.
Pola súa banda, a presidenta de ACISA, Carmen Cruzado, sinalou que “todos os socios e socias recibiron hoxe a orde do día, así como o informe completo no que se detalla todo o contido da reunión. Quero lembrar a importancia de asistir a esta asemblea, non só para coñecer a xestión realizada o ano pasado, senón tamén para estar ao tanto das novidades deste 2026 e sobre todo porque se trata do foro no que os socios e socias poden expresar a súa opinión e achegar ideas e suxestións”.
E subliña a relevancia desta convocatoria: “cobra especial importancia a asistencia a esta asemblea, xa que este ano presentamos unha proposta de unificación do calendario comercial, co obxectivo de acordar de maneira conxunta os días de apertura e peche permitidos pola lei. Isto permitiríanos promocionar mellor esas datas e evitar as dúbidas recorrentes que xorden entre os asociados e asociadas todos os anos. Deste xeito, os negocios de Ribadeo terán unha referencia clara do que fará a maioría do comercio en cada data e de como se van promocionar esas aperturas para que a clientela habitual e a que nos visita estean debidamente informadas e poida aproveitar para gozar dos negocios locais”.
O xerente de Acisa aludiu tamén outro punto destacado da orde do día: “analizaranse os resultados do programa de enquisas enviadas aos asociados e asociadas, posto en marcha nestas datas para coñecer mellor a súa opinión sobre o traballo e as accións públicas que Acisa ven desenvolvendo e defendendo. Estas enquisas permítennos saber se imos polo bo camiño”.
A directiva de Acisa fai unha chamada á participación na Asemblea Xeral Ordinaria que terá lugar o 26 de febreiro.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
